Олимпий модмаш

Википедий — эрыкан энциклопедий гыч материал
(Олимпий модыш-влак гыч колтымо)
Олимпий оҥго-влак — Олимпий Йогынын тистыже

Олимпий модмаш-влак (южгунам Олимпий модыш-влак) - калык-влак кокласе эн кугу комплексный спорт таҥасымаш. Тудо кажне ныл ийлан ик гана эртаралтеш. Ондакше Акрет Олимпий модмаш Грецийыште Олимпий Олаште м.к.д.о. VIII гыч, V курым марте эртаралтын. XIX курым мучаште барон Пьер де Кубертен Олимпий модмашым угыч тӱҥалаш тыршен. Садлан 1894 ийыште Интеркалык(ын) Олимпий Комитетым(ИОК) почын. Кок ий эртен, да Тыгодсо Олимпий модмаш-влак Афиныште эртаралтыныт. Вара Олимпий Модмаш-влак да Олимпий Толкын шотышто ИОК тӱҥ вуйлатыше улеш. Тыгак эше Олимпий Хартий уло, кушто радам-влак да кӱштымаш-влак сереныт, кузе тыгай таҥасымашым эртараш.

XX курым годсек Олимпий Толкын пеш шуко вашталтын. Тидлан кӧра ИОК модмашым вашталтен, саманым шотыш налын. Кудо-икте саемдымаш-влак: Теле Олимпий модмаш-влак лум да ий спорт тӱрлыклан, Паралимпий модмаш-влак кап-кыл шотышто ситыдымаш дене еҥлан да Самырыктукым Олимпий модмаш-влак самырык спортъеҥлан. Тӱрлӧ политике, экономике, технологий шот дене ИОК Олимпий Модмашым эше уэмден. Таче Олимпий Модмаш-влак кымылзо-влак да йӧратыше-влак кокла (кузе Кубертен ондакше шонен) гыч лектын да кызыт профессионал спортъеҥлак пайдаланат тудым. Тӱшкаувер йӧнык-влак кӱлешлык корпоратив спонсорлык да коммерциализаций шотышто йодышым шынден.

Кызыт Олимпий Йогын Интеркалыкын спорт федерацийым, Калыкын Олимпий комитетым да кажне Олимпий модмашлан организационный комитетым куча. Тудо пунчалым лукшо илтарман улеш, садлан тудо кажне Олимпий модмашлан оза олам сайлымашлан вуйшогын улеш. Оза ола модмаш пайремым да радам шотым Олимпий Хартий дене келшен эртарашлан вуйшогын улеш. ИОК Олимпий программым да могай спорт тӱрлык-влак Олимпий модмашыште улшаш палемдалта. Олимпий пайрем шуко йӱлам да ӱжвата-влакым налеш (мутлан, Олимпий тистыже да Олимпий тул), тыгак Почмаш да Петырымаш радам шот-влак улыт. Чылаже 13.000 шукырак спортъеҥ-влак Кеҥеж да Теле Олимпий Модмашыште 33 тӱрло спорт тӱрлык шотышто таҥасат. 400 тӱрлӧ сомылка-влак. Икымше, кокымшо да кумшо сеҥыше-влаклан шӧртньӧ, ший да вӱргене медальым пуат.

Модмаш тыгай кугу лийын, кажне калык тудым модеш. Тыгай кушмаш тӱрлӧ азапым ыштен, мутлан, бойкот-влак, допинг, шолыпналтыш да терроризм. Кажне кок ийыште Олимпий модмаш-влак да ТУЙ йҥже, палыдыме спортеҥлан калык (южгунам калык коклаште) чапым нӧлталашлан кертмешетым пуат. Модмаш-влак тыгеже эше оза ола да эллан шке кояшлан кертмешетым пуат.

Акрет Олимпий модмаш-влак[тӧрлаташ | кодым тӧрлаташ]

Акрет Грецийысе Олимпий модмаш-влак Олимпий Олаште эрталалтше йӱла да спорт дене кылдалтше пайрем сынан лийыныт. Модыш-влакын кузе шочмышт нерген пале-влак йомыныт, но ты событийым сӱретлыше икмыняр легенде аралалт кодын. Модмаш-влак тылеч ончыч лийыныт гынат, документ дене палемдалтше икымше тыгай пайремлымаш м.к.д.о. 776 ийыште лийын. Негызым Геракл пыштен. Модмаш-влакым эртарыме жапыште савырле сӧрасымаш увертаралтын, тыгодым сар-влакымат чареныт (чарыман улмаш), кеч тиде пунчал эрежак эскералтын огыл.

Римлян-влак толмо дене Олимпий модмаш-влак шке сыныштым палынак йомдареныт. Христиан тыным налме деч вара нуно чий тын дене кылдалтшылан шотлалташ тӱҥалыныт да 394 ийыште император Феодосий I нуным чараш кӱштен.

Олимпий модмашым угыч пӧртылмаш[тӧрлаташ | кодым тӧрлаташ]

Барон Пьер де Кубертен

Олимпий шонымаш акрет таҥасымашым чарыме деч вара йӧршынлан йомын огыл. Мутлан, Английыште XVII курым жапыште «олимпий» таҥасымаш да ӱчашымаш-влак ик гана веле огыл лийыныт. Варарак тыгай таҥасымаш-влак Франций да Грецийыште эртеныт. Туге гынат, нуным кундем сынан изи сомылкалан веле шотлаш лиеш. Кызытсе Олимпий модмаш-влакын эн тӱҥ ончычсо «Олимпий»-влак лийыныт. Нуно 1859-1888 ийлаште эреак эртаралт шогеныт. Олимпий модмаш-влакым уэш пӧртылмаш нерген шонымашым Панайотис Суцос почеламутчо темлен, а илышыш тудым мер пашаеҥ Евангелис Заппас шыҥдарен.

1766 ийыште археологический кычалмашым эртарыме деч вара Олимпий Олаште спорт да храм полат-влакым верештыныт. 1875 ийыште археологический шымлымаш да кычалмаш немыч-влакын вуйлатымышт почеш шуйнен. Ты пагытыште Европышто акрет жапым романтико-идеалистический семын онченыт. Олимпийысе шонымашым да тӱвырам угыч нӧлтал колтымо нерген ой Европо мучко моткоч вашке шарлен. Француз барон Пьер де Кубертен тунам каласен: «Немыч Эл акрет Олимпий деч мо кодмым кычал муын. Молан Франций тошто куатшым пӧртылтен ок керт?»

Кубертенын шонымыж почеш, француз салтак-влак 1870-1871 ийласе Франко-прусский сарыште начар тазалыкыштлан кӧра сеҥалтыныт. Тыгай сӱретым тудо француз-влакын кап-кыл тазалыкыштым шуарыме дене вашталташ тӧчен. Тидын годым калык эгоизмым кораҥдаш тыршен да тыныслык ден калык кокласе келшымаш верч шоген. Тӱнямбалсе самырыктукым шке вийжым кредалмаш пасушто огыл, а спорт таҥасымашлаште тергышаш. Олимпий модмашым угыч нӧлталмаш тудын шонымыж почеш ты экшык-влакым тӧрлашлан эн сай йӧн лийын.

1894 ий Пеледыш тылзын 16-23 кечылаштыже Сорбонно олаште (Париж университет) эртаралтше конгрессыште Кубертен шке шонымашым да ыҥым тӱрлӧ калык ончыко луктын. Конгрессын пытартыш кечынже тыгай ойыш шуыныт: кызытсе пагытын икымше Олимпий модмаш 1896 ийыште ты модмашым шочыктышо элыште – Грецийыште, Афиныште эртышаш. Тунам Интеркалыкын Олимпийский Комитетлан (ИОК) негызым пыштыме да модмаш-влакым вӱдымылан нуно вуйын шогеныт. Комитетын I-ше президентше грек Деметриус Викелас лийын. Ты пашам тудо 1-ше Олимпий модмаш чарнымеш, 1896 марте, вӱден. Барон Пьер де Кубертен генеральный секретарь сомылым шуктен.

Икымше Олимпий модмаш-влакын плакатше

Икымше Олимпий модмаш-влак кугу сеҥымаш дене эртеныт. Тушто 241 атлет (41 эл) гына лийыныт гынат, модмаш-влак акрет Греций пагыт годсек эн кугу спорт сомылкаш савырненыт. Грецийысе официал еҥ-влаклан да калыклан тиде моткоч келшен, садлан нуно модмаш-влакым Грецийыште ончыкыжат эре эртараш кӱлмӧ нерген темлымашым пуэныт. Но ИОК модмаш-влакым эртарыме верым кажне ныл ий вашталтыме нерген тӱрлӧ эл коклаште пунчалым луктын.

Икымше сеҥымаш деч вара Олимпий модмаш икымше нелылыкымат чытен. 1900 ийысе Парижысе (Франций) II Олимпий модмаш да 1904 ийысе Сент-Луисысе (Миссури, УАШ) III Олимпий модмаш тӱнямбал ончер дене ушнен шоген. Спорт таҥасымаш-влак тылзе дене шуйненыт да ончышо калыклан оҥай лийын огытыл. Сент-Луисысе модмаште утларакше американ спортъеҥ-влак лийыныт, молан манаш гын Европысо калыклан теҥыз гоч вончаш технический амаллан кӧра моткоч неле улмаш.

1906 ийын Афиныште (Греций) эртыше Олимпий модмаште спорт таҥасымаш да лектыш тӱҥ верым айленыт. Ончыч ИОК ты модмаш-влакым Олимпийысылан шотлен гын (кеч нуно кажне кок ий гыч эртаралтыныт, а ныл ий гыч огыл), кызыт нуно Олимпий модмашлан огыт шотлалт. 1906 ийысе модмашым южо спорт эртымгорно шанчызе-влак олимпий шонымашын утаралтмаш семын ончат, молан манаш гын нуно модмаш-влаклан яра да кӱлдымыш савырнаш пуэн огытыл.

Кеҥеж Олимпий модмаш-влак[тӧрлаташ | кодым тӧрлаташ]

Модмаш Ий Ола Эл
I 1896 Афине Греций Греций
II 1900 Париж Франций Франций
III 1904 Сент-Луис УАШ УАШ
1906 Афине Греций Греций
IV 1908 Лондон Ушымо Королевстве Ушымо Королевстве
V 1912 Стокгольм Швеций Швеций
VI 1916 Берлин Немыч Эл Немыч Эл
VII 1920 Антверпен Бельгий Бельгий
VIII 1924 Париж Франций Франций
IX 1928 Амстердам Нидерланды Нидерланды
X 1932 Лос-Анджелес УАШ УАШ
XI 1936 Берлин Немыч Эл Немыч Эл
XII 1940 Токио Японий Японий
XIII 1944 Лондон Ушымо Королевстве Ушымо Королевстве
XIV 1948 Лондон Ушымо Королевстве Ушымо Королевстве
XV 1952 Хельсинки Финляндий Финляндий
XVI 1956 Мельбурн Австралий Австралий
XVII 1960 Рим Италий Италий
XVIII 1964 Токио Японий Японий
XIX 1968 Мехико Мексике Мексике
XX 1972 Мюнхен Немыч Эл Немыч Эл
XXI 1976 Монреаль Канада Канада
XXII 1980 Моско Совет Ушем Совет Ушем
XXIII 1984 Лос-Анджелес УАШ УАШ
XXIV 1988 Сеул Кечывалвел Корей Кечывалвел Корей
XXV 1992 Барселоно Испаний Испаний
XXVI 1996 Атланта УАШ УАШ
XXVII 2000 Сидней Австралий Австралий
XXVIII 2004 Афине Греций Греций
XXIX 2008 Пекин Китай ККР
XXX 2012 Лондон Ушымо Королевстве Ушымо Королевстве
XXXI 2016 Рио-де-Жанейро Бразилий Бразилий
XXXII 20202021 Токио Японий Японий
XXXIII 2024 Париж Франций Франций
XXXIV 2028 Лос-Анджелес УАШ УАШ
XXXV 2032 Брисбен Австралий Австралий

Теле Олимпий модмаш-влак[тӧрлаташ | кодым тӧрлаташ]

Модмаш Ий Ола Эл Чот Чот
стран-участниц спортсменов-участников спортивных дисциплин спорт тӱрлык-влак
I 1924 Шамони Франций Франций 16 280 14 4
II 1928 Санкт-Мориц Швейцарий 25 464 14 4
III 1932 Лэйк-Плэсид УАШ УАШ 17 252 14 4
IV 1936 Гармиш-Партенкирхен Немыч Эл Немыч Эл 28 646 17 4
1940 Санкт-Мориц Швейцарий
1944 Кортина д'Ампеццо Италий Италий
V 1948 Санкт-Мориц Швейцарий 28 669 22 4
VI 1952 Осло Норвегий Норвегий 30 694 22 4
VII 1956 Кортина д'Ампеццо Италий Италий 32 821 24 4
VIII 1960 Скво-Вэлли УАШ УАШ 30 665 27 4
IX 1964 Инсбрук Австрий Австрий 36 1091 34 6
X 1968 Гренобль Франций Франций 37 1158 35 6
XI 1972 Саппоро Японий Японий 35 1006 35 6
XII 1976 Инсбрук Австрий Австрий 37 1123 37 6
XIII 1980 Лэйк-Плэсид УАШ УАШ 37 1072 38 6
XIV 1984 Сараево Югославий Югославий 49 1272 39 6
XV 1988 Калгари Канада Канада 57 1423 46 6
XVI 1992 Альбервиль Франций Франций 64 1801 57 6
XVII 1994 Лиллехаммер Норвегий Норвегий 67 1739 61 6
XVIII 1998 Нагано Японий Японий 72 2302 68 7
XIX 2002 Солт-Лейк-Сити УАШ УАШ 77 2399 78 7
XX 2006 Турин Италий Италий 80 2508 84 7
XXI 2010 Ванкувер Канада Канада 82 2566 86 7
XXII 2014 Сочи Россий Россий 88 2873 98 7
XXIII 2018 Пхёнчхан Кечывалвел Корей Кечывалвел Корей 92 2922 102 7
XXIV 2022 Пекин Китай ККР 91 2871 109 7
XXV 2026 Милан-Кортина д'Ампеццо Италий Италий
XXVI 2030 Палыдыме Палыдыме