Ойпелештыш

Википедий — эрыкан энциклопедий гыч материал
Java тӱҥалтыш кодыште тӱҥалтыш йошкар тӱсан ойпелештыш да корно кӧргыштӧ ужар тӱсан ойпелештыш . Программын кодшым канде тӱс дене ончыктымо.

Ойпелештыш (англичанла Comment) — программлымаш йылмын конструкцийже, интерпретацийыште але компиляцийыште кучылталтдыме, программын тӱҥалтыш код кӧргыштӧ верланыше программист-влаклан умылтарыме текст. Программын кодшым куштылгын умылаш манын ойпелештыш-влакым ешарат. Ойпелештыш-влак синтаксис да виктарчык дене ойыртымалтыт, программлымаш йылмын спецификацийыште рашемдалтеш.

Нерген возык[тӧрлаташ]

Тыглай годым, ойпелештышым блок ойпелештыш(англичанла block comments) сынан але корно ойпелештыш (англичанла line comment) сынан палемдат[1].

Блок ойпелештыш тӱҥалтыш кодышто верым чаклеш, тиде вер шуко корно мучко шарнен кертеш. Верым тӱҥалтыш ойырышо да пытартыш ойырышо дене палемдат. Южо программлымаш йылмыште (мутлан, MATLAB-ыште) блок ойпелештыш-влак икте весын кӧргышко рекурсивне пыштыме лийын кертыт. Вес йылме-влакыште (мутлан, Java-ште) тыге ышташ ок лий[2][3][4].

Корно ойпелештыш але ойпелештыш ойырышо дене тӱҥалеш да корно мучаш марте верланеш але, южо оньышвитышыште, тӱҥалтыш текстыште специфик колонкышто (корно лугалтмыште) тӱҥалеш да корно мучаште пытареш[4].

Южо программлымаш йылме-влак коктым, блок ойпелештышым да корно ойпелештышым тӱрлӧ ойырышо дене кучылтыт. Мутлан, C++-ыште блок ойпелештыш ойырышо - тиде /* да */, да корно ойырышо - тиде //. Вес йылме-влак ик ойпелештыш тӱрлыкым веле кучылтыт. Мутлан, Ada ойпелештыш-влак - тиде корно ойпелештыш-влак веле, нуно -- дене тӱҥалыт, да корно мучаш марте уйналтыт[4].

Важ-влак[тӧрлаташ]

  1. Dixit, J.B. (2003). Computer Fundamentals and Programming in C. Laxmi Publications. ISBN 8170088828. 
  2. Higham, Desmond (2005). MATLAB Guide. SIAM. ISBN 0898715784. 
  3. Vermeulen, Al (2000). The Elements of Java Style. Cambridge University Press. ISBN 0521777682. 
  4. 4,0 4,1 4,2 Using the right comment in Java. Тергыме 24 Сӱрем 2007.