Модмо автомат (азарт модмаш)
Мо́дмо автома́т — модмо пӧртыштӧ шогалтыме азарт модмаш-влаклан келыштарыме аппарат. Модшо-влак тудын дене оксам сеҥен налаш тыршат. Модмо пӧртын пашаеҥже-влак модмашышке огыт ушно.
Интернет-казино (казиношто виртуальный, онлайн-казиношто) — сайтым але посна программе, интернетыште тудо азартный модышышто модаш йӧным пуа.
Сайт интернет-казиношто тӱрлӧ модыш аярым керт: модыш автомат, рулетке, лотерейым, викторин, але вес банк да ӱстембал покер модыш. Онлайн гыч ик эн палыме-тӱняшке париматч казиношто шотлалтеш.[1]
Интернет-казиношто доступен сита, браузерыште планшет але компьютер полшымо дене нунын кузе тыге лиеш сайтыш пурен, но регистрироватлымаш россий интернет-казиношто чареныт.
Эртымгорно
[тӧрлаташ | кодым тӧрлаташ]- Икымше модмаш автоматым Английыште, 1887 ийыште ыштеныт.
- 1897 (руш википедийын ойлымыж почеш 1905) ийыште СШАште Чарльз Огаст Фей автомеханик "Эрык оҥгыр" ("Liberty Bell") слот-машинам шонен луктеш. Кум барабаныште - вич тамга. Тыгай аппаратыште шоям ышташ куштылго ыле, сандене эн шукыжо 50 цент оксам гына сеҥен налаш лиеш ыле.
- 1898 - 1909 ийлаште слот-машина-влакым ыштымаш чот вашталтын огыл, модмо автомат-влакым шуко дене наледат, шукырак ышташ тӱҥалыт.
- XX-шо курым тӱҥалтышыште модмаш бизнесым темдаш тӱҥалыныт. Калифорний штатыште, мутлан, модмо автомат-влакым йӧршын чареныт.
- 1964 ийыште "Money Honey" автомат лектеш. Кӧргыштыжӧ пружин-влак олмеш электронике, тудо йӱк дене кутыра, тӱрлӧ кӱртньӧ оксам налеш, да сеҥыме оксам пуашлан посна окса погымо вер лийын.
- 1975 ийыште "Fortune Coin" видеомодмаш ышталтеш. Тӱҥалтышыште модшо-влак тудын деке шӱмаҥын огытыл, пӧрдшӧ барабан-влаклан утларак ӱшаненыт. Варажым тиде видомодмашым "Интернейшынал Гэйм Технолоджи" компаний налын да у электрон автомат-влакым ышташ тӱҥалын.
- 80-ше ийлаште слот-машина-влакышке эре ала мом ешараш тыршеныт. Джек-пот пӧлекым, моло бонус-влакым шуко вере ешареныт. Автомат-влакым ик оза лӱм дене кылденыт, тыге казино-влак джек-пот кугытым миллион марте кӱзыктылыныт.
Автомат тӱрлык-влак
[тӧрлаташ | кодым тӧрлаташ]Тачысе кечын ятыр автоматым муаш лиеш
Слот-машина
[тӧрлаташ | кодым тӧрлаташ]Механик слот
[тӧрлаташ | кодым тӧрлаташ]Российыште тыгай аппарат-влак 2005 ий марте шогеныт. Вара у тӧртыкым пуртымо. Тудын почеш модышлан автомат деч эн изи парыш 90 % деч шагалрак лийшаш огыл. Икымше механик автомат-влак рычаг дене пӧрдаш тӱҥалыныт. Варажым барабаным пӧрдыкташлан паҥгам шынденыт (рычаг тошто автоматым шарналтыме семын кодын).
Видеослот
[тӧрлаташ | кодым тӧрлаташ]Тачысе кечын электронике вияҥме дене модмо автомат-влакын тӱрлыкышт кугемеш гына. У автомат-влак ышталтыт. Барабан-влакат электрон дисплейышке кусненыт. Ынде экраныште тӧр шогалтыме вич диск коеш. Диск тогымышто тӱрлӧ сӱрет-влакым вераҥдыме. Барабан-влак пӧрдыт, шогалтмеке, ала могай сӱрет ваш-ваш келшен толыт гын, модшо сеҥен кертеш.
Видеопокер
[тӧрлаташ | кодым тӧрлаташ]Процессор блок, окса налме аппарат, видеомонитор гыч шога. Моло слот-автомат-влак деч программыж дене ойыртемалтеш. Электрон покер модмаш кызыт сенсор экран дене эрта.
Меҥге
[тӧрлаташ | кодым тӧрлаташ]Рушла нине автомат-влакым "столбики" манын лӱмдат. Тӱҥалтышыште: кӱртньӧ оксам автоматыш пыштет, экраныште шым цифре коеш. Вара цифре чотым вашталтылаш тӱҥалыныт, кум, вич цифран экран-влак лийыныт. Южгунам тыгай автомат кӧргыштӧ оператор шинчен. Тыгай автомат-влак урем, пазар, сатулымо рӱдер-влакыште шогеныт. Вара шуко тыгай автоматым киоскышко ачален савыреныт.
Кузе ышта
[тӧрлаташ | кодым тӧрлаташ]
Модмо автомат-влак бизнесыште ик эн кугу парышым пуат. Системын администраторжо тӱҥалтышыштак программышке парышым лукмо процентым шында: мутлан модшылан 80 % окса пӧртылеш. Тиде процент 80-95 процент наре. Тӧртык почеш, 80 деч изирак проценым шындаш ок лий. Но 80 %-тан автомат дене модмо годым 100 теҥгем чыкымеке вигак 80 теҥгем вучыман огыл. Сеҥымаш тыланет огыл, а почешет толшо айдемылан логал кертеш. Але мӧҥгешла, тый дечет ончыч айдеме оксам шӱшкын, а тый ик оксам пыштенат да тыланет джек-пот логалын. Сеҥымаш ден сеҥалтмаш чокым лектеш. Кунам айдеме модмашым тӱҥалеш, экраныште пуйто ӱжвата-влак пӧрдыт. Кӱлеш радам дене тамга-влак шогалыт гын, айдеме сеҥа. Но экраныште койшо сӱрет - кумылым нӧлташлан гына. Чынжым, модмашым тӱҥалмеке модшо нимом вашталтен ок керт, кеч могай паҥгам умбакыже темдал - автомат ончылгочак шкаланже палемден - оксам пуаш але пуаш огыл. Айдемын кумылжым кучашлан гына экран кӱлеш. Пытартыш жапыште кино, мультфильм-влак гыч сӱрет-влакым кучылтыт, айдемым тидын дене автомат воктене шогыктынешт. Айдеме онча, "нунын дене пырля модам", - шона, а чынжым автоматын процессоржо икымше секундо гычак оксам пуымо шотышто шкаланже пашам палемда да экраныште цифр--влак дене модаш тӱҥалеш.