Микрофон
Микрофо́н (грек. μικρός — изи, φωνη — йӱк деч) — йоҥгалтше йӱкым электровий толкыныш савырыше электроакустик прибор. Йӱкым возымаш, але кугемдымаш пашаште йӱк эн ончыч тушко логалеш. Пашам ыштыме шотышто микрофон-влак тыгай улыт:
- Динамик микрофон
- * Катушкан (катушечный)
- * Тасман (ленточный)
- Конденсаторан микрофон
- Шӱй микрофон (угольный)
- Пьезомикрофон
Микрофон-влакым шуко вере кучылтыт. Кажне верлан посна келыштарыме аппарат-влак улыт:
- Студийысе микрофон
- Телефоныс микрофон капсюль
- Радиогарнитурышто кучытмо микрофон
- Шолып нумалме микрофон
- Ларингофон
- Гидрофон
Гидрофон – вӱд йымалне йӱкым налашлан келыштарыме прибор. Гидроакустикыште вӱдйымалсе йӱкым возашлан кучылталтеш. Южо гидрофон-влак йӱкым налыт гына огыл, эше шке йоҥгалтарен кертыт. Мутлан, дельфин-влаклан сигналым колташлан, нунын йӱкышт дене гидрофон йоҥгалтарен кертеш.
Эртымгорно
[тӧрлаташ | кодым тӧрлаташ]Тӱҥалтышште Эдисонын шӱй дене ыштыме микрофонжо чыланыштым ӧрыктарен. А тиде шӱй микрофон шотышто шке жапыште кугу тарванен. Россий Империй гыч Махальский, а вара Голубицкий изобретатель-влак шке праваштым шӱй микрофон-шотышто вурсен аралынешт ыле. Тачат тиде икымше микрофон кучылталтеш, телефон аппарат-влакым ыштыме годым.