Марышев, Владимир Михайлович

Википедий — эрыкан энциклопедий гыч материал
Владимир Михайлович Марышев
Владимир Марышев
Шочмаш дене лӱм Владимир Михайлович Марышев
Шочын 1961 ий 15 ӱярня(1961-03-15) (62 ий)
Шочмо вер РСФСР, Марий АССР, Йошкар-Ола
Чап пӧлек да премий

Марий Эл Республикын сулло журналистше (2001), Марий Эл Республик Виктерын Чапкагазше (2006), Россий Серызе-влак ушемын Чапкагазше.

Владимир Марышев (Владимир Михайлович Марышев) (1961 ӱярня 15, РСФСР, Марий АССР, Йошкар-Ола) — руш серызе, журналист, Россий Cерызе-влак ушемын йыжъеҥже (2001), Марий Эл Республикын сулло журналистше (2001).

Илыш корныжо[тӧрлаташ | кодым тӧрлаташ]

Владимир Марышев 1961 ийын ӱярня тылзын 15-ше кечынже Марий АССР Йошкар-Олаште пашазе ешеш шочын. 1978 ийыште Йошкар-Оласе 23-шо №-ан кыдалаш школым, 1986 ийыште «радиоаппаратурым конструироватлымаш» специальность дене Марий политехнический институтым тунем пытарен. 1981 ий гыч полупроводник прибор заводышто ыштен, ондак пашазе, вара инженер-конструктор лийын. 1991 ийыште журналист пашаш вончен. «Республика», «Добрый день», «Йошкар-Ола» газетлаште ыштен. Кызыт «Марийская правда» газет редакцийыште ышта.

В. Марышевын савыкталтше икымше возымыжо «Отчизна» почеламут лийын («Слава Отчизне» газет, Львов, 1981), но тудым изинекак фантастике сымыстарен. 1989 да 1990 ийлаште тудо Екатеринбург олаште фантастикым йӧратыше-влакын фестивальыштышт лийын, тушто К. Булычёв, В. Крапивин, С. Лукьяненко дене палыме лийын.

В. Марышевын усталык пашажым кум йыжыҥлан шелаш лиеш. 1980-шо ийла – икымше сылнымутан возымыжо да МАССР-ысе печатьыште савыкталтмыже. 1990-шо ийла – Российысе журналлаште («Пионер», «Юный техник», «Энергия», «Пульс», «Техника – молодёжи», «Химия и жизнь» (Моско), «Калейдоскоп» (Самара), «Странник» (Саранск), «Порог» (Кировоград, Украина), тыгак тӱшка сборниклаште савыкталтмаш. В.Марышев Моско ден Санкт-Петербургышто савыкталтше роман-влакын авторжо.

В. Марышевын южо фантастике ойлымашыже, марлаш кусарымек, «Пионер йӱк» ден «Ончыко» журналлаште лектыныт.

В. Марышев РМЭ Кугыжаныш Погынын (2006), Россий писатель ушемын Чап грамотышт дене палемдалтын. Россий писатель ушемыште 2001 ий годсек шога. «РМЭ-н сулло журналистше» (2001) чап лӱмжӧ уло.

Тӱҥ произведенийже-влак[тӧрлаташ | кодым тӧрлаташ]

  • Колыбель ; Отдай свой огонь : фантаст, рассказ // Дружба. Хрустальный ключ. Йошкар-Ола, 1990. С. 112—135.
  • Эстафета ; О, эти русские : фантаст, рассказы // Дружба. Мир, в котором я живу. Йошкар-Ола, 1997. С. 14—40.
  • Полет валькирий: роман. М., 2001. 286 с.
  • Избранные : роман. М., 2003. 320 с.
  • Кристаллы с Альтаира, или Новые записки доктора Ватсона : фантаст, детектив-пародия // Русское слово Марий Эл. Йошкар-Ола, 2004. С. 332—346.
  • Конец эпохи : фантаст, повесть. СПб, 2007. 512 с.
  • Неделя перед вечностью : фантаст, повесть // Ончыко. 2001. № 2. С. 78—141.
  • Фантастические рассказы // Дружба. Кристаллы с Альтаира. Йошкар-Ола, 1993. С. 3—104.
  • Настанет день ; Колыбель : фантаст, рассказы // Короткие встречи. Йошкар-Ола, 2001. С. 127—137.
  • Лабиринт : фант. повести и рассказы. Йошкар-Ола, 2008. 296 с.

Илышыже да творчествыже нерген литератур[тӧрлаташ | кодым тӧрлаташ]

Чап[тӧрлаташ | кодым тӧрлаташ]

Литератур[тӧрлаташ | кодым тӧрлаташ]