Кышкар:Тидым палаш оҥай/3 Шорыкйол 2011

Википедий — эрыкан энциклопедий гыч материал
Перейти к навигации Перейти к поиску

Тиде кечын, 3 Шорыкйолын:

  • 1955-ше ийыште тӱвыра пашаеҥ да актёр, Марий Элын сулло артистше Валерий Помбеевич Григорьев шочын. Тудо гын Провой вел мландын эргыже. Шке жапыштыже Майоров Шкетан лӱмеш кугыжаныш драмтеатрын да Марий самырык театрын сценылаштыже калыкым шке мастарлыкше дене куандарен. Кызыт талантан актер да сценарист Марий тӱвыра рӱдер вуйлатышылан ышта, шкенжым режиссёр могырым терга.
  • 1948-ше ийыште Оршанка районышто Марий Элын сулло эмлызыже Евгений Васильевич Кузьминых шочын. Тудлан таче – 61 ий. 1977-ше ийыште тудо республикысе сар ветеран-влакым эмлыме госпитальысе хирургий пӧлкан вуйлатышыжлан шогалын. Хирургийыште у технологий-влакым шыҥдарымаште тудын надырже моткоч кугу. Евгений Васильевич Пирогов лӱмеш хирург-влак ассоциацийын уста еҥже.
  • Шернур кундемын вес тале айдемыже, генерал-майор Виктор Васильевич Смоленцевлан таче 73 ий темеш. Пел курым наре ончыч тудо Звенигово районысо кӧргӧ паша пӧлкан оперуполномоченныйлан ышташ тӱҥалын да вуйлатыше марте шуын. А вара республикысе МВД пашаеҥ, вуйлатышын алмаштышыже, министр лийын. Виктор Васильевич «Йошкар Шӱдыр», «За заслуги перед Отечеством» орден-влак дене, тыгак кугыжаныш чаптанык дене палемдалтын.
  • Пошкудо Чуваш республикыште шочын-кушшо, но Марий Элыштат шке пашаж дене чапым налше прокуратур вуйлатыше, Россий Федерацийын сулло юристше Георгий Афанасьевич Михопаркинлан – 57 ий. 1987-ше ийыште тудо Чуваш республикысе прокуратурын вуйлатышыжлан тыршаш тӱҥалын, а 9 ий ончыч Марий Элын прокуроржо лийын.
  • Туныктыш пашаеҥ Михаил Юрьевич Смирнов ты кечын 54 ияш пайремжым палемда. Тудо Морко район Октябрьский посёлко гыч. Паша корныжо Марий кугыжаныш техник университет дене кылдалтын. 1991-ше ий гыч тудо чодыра кафедры вуйлатышылан пашам ышта.
  • Шорыкйол тылзын кумшо кечынже Михаил, Петр, Никита, Прокопий да Юлия – влакын лӱм кечышт.