Кышкар:Тидым палаш оҥай/3 Шорыкйол 2010
А тый палет, молан марлан кайыше ӱдырым сурт гыч лукмыжо годым каче кум гана лупш дене пера?
Ӱдыр ача-ава, кушмо сурт гычын вигак лектын огыл. Изишак торешланымым очныктен. Тидын годым каче, савуш деч лупшым налын, кум гана перен. Тиде ӱдыр дечын уда шӱлышым, кереметым поктен колташ ышталтын. Тыгак ӱдыр каче суртыш пурымекыже, ава-ачам пагалыше, марийым жаплыше, мутым колыштшо лийже манын ышталтын.