Кышкар:Тидым палаш оҥай/3 Пургыж 2010
А тый палет, могай марий сӱанын ятыр оҥай йӱла уло?
Теве мутлан, сӱаныш ӱдырын ялысе каче-влак толыт. Нуно ӱдырым яра пуэн ынешт колто, каче деч аракам йодыт. Тидын годым савуш кушталташ темла. Ялысе рвезе, але ӱдырын ончыч келшыме таҥже савуш дене таҥасен кушташ лектеш. Савушым куштен сеҥа гын, сийжым пуат, уке гын, яра каят. Тыгай куштымаш пӱжвӱд лекмеш эрта. Тиде йӱлам ӱдыр налмаш маныныт.