Кышкар:Тидым палаш оҥай/28 Кылме 2010

Кылме тылзын 28 кечыже — григориан календар почеш идалыкын 332-шо кече (кужемдыме ийлаште 333). Идалык пытыме марте 33 кече кодеш.

Пайрем

Кылме тылзын 28 кечынже Ава кече палемдалтеш.

Кӧ шочын

• 1905 — Петухов, Василий Михайлович (Василий Патраш), писатель. Тудо Курыкмарий районысо Сӧрманангыр ял гыч. Репрессийыш логалын.
• 1936 --- Пермогорский, Леонид Васильевич, конструктор, Марий республикын сулло шанчыеҥже. Архангельск кундем Красноборск селаште шочын. 13 изобретенийын авторжо. Суапле пашажлан «Знак Почёта» орден дене палемдалтын.
• 1962 --- Горбунова, Светлана Ивановна, спортсменка. 14 ияш годымжак куштылго атлетик деке шӱмаҥын. Россий чемпионатыште кӱшкӧ тӧрштылмаш дене шуко гана сеҥышыш лектын. 1985-ше ийыште кундемыштына кӱш тӧрштымӧ дене 1 метр 94 сантиметр рекордым шынден. Да тачысе кече мартеат тудым але нигӧ ончылтен огыл. Россий Федерацийын чемпионкыжо. Совет Ушем спорт мастер.
• 1957 --- Кудрявцев, Владимир Геннадьевич, сымыктыш пашаеҥ. Искусствоведений доктор. Марий Элын сулло сымыктыш пашаеҥже. Сымыктыш аланыште ятыр кумдан палыме сӱретче-влак, марий графика нерген возымо книгаже-влак дене чапланен.
• 1983 --- Шамова, Ольга Алексеевна, артистка. «Пеледыш лӱман мурызо» спектакльыште тӱҥ рольым модын. Шкеже Мари-Турек велысе Мари-Билямор гыч. Тудын паша корныжо Марий самырык театр дене кылдалтын: ынде кок ий утла Ольга театрын сценыже гыч ончаш толшо калыкым куандара.
• 1984 --- Анатолий Ванин (Сидоркин, Анатолий), мурызо, гармоньчо. Тудо шкеже У Торъял вел гыч. Музык дене шинчымашым тӱвыра да сымыктыш колледжыште поген.

Лӱмгече

Кргорий, Метрий, Никита, Миклай, Пӧтр, Самсон, Фома да Якып