Кышкар:Тидым палаш оҥай/1 Вӱдшор 2010
А тый палет, ожно кугу марий еш дене иленыт?
Ожно кугу еш дене иленыт. Кугурак семын ийгот дене кугу, ушан, озаҥлыкым кучен моштышо пӧрьеҥ лийын. Тудым тыгак кугурак маныныт. Ешыште кажнын шке верже, да ыштыме пашаже лийын. Тыгак кугу рольым кугурак ӱдырамаш налын шоген. Тудо ешыште улшо ӱдырамаш-влакым вуйлатен. Тудо пашам шеледен пуэден, телылан ситыше кочкышым ямдылен. Тыгак ургымаш, пидмаш, да моло кидпашам виктарен. Ешыште тума, шургымаш тарванен гын, лач кугурак ӱдырамаш лыпландарен. Ешыште тудым кува маныныт.