Вишневский, Сергей Павлович

Википедий — эрыкан энциклопедий гыч материал
Перейти к навигации Перейти к поиску
Сергей Павлович Вишневский
200px
Шочмаш дене лӱм:

Вишневский Сергей Павлович

Тыршымаш алан:

сӱретче

Шочын:

1951 ий 29 шорыкйол(1951-01-29) (68 ий)

Шочмо вер:

Краснояр крайысе Абакан ола

Гражданство/Подданство:

Россий

Вишневский Сергей Павлович (29 Шорыкйол 1951, Краснояр крайысе Абакан ола) - сӱретче, Российысе сӱртче-влак ушемын еҥже.

Ӱмыргорно[тӧрлаташ | вики-текстым тӧрлаташ]

Школым тунем пытарымеке, 1969 ийыште армийыш каен. Тыныс таптеҥызысе флотын теҥыз пехотыштыжо службым эртен. Армий деч вара грузчикланат, слесарьланат, тайгаште лесникланат тыршен да тыгак Монголийыште чума ваштареш кучедалше экспедицийыштат пашам ыштен. Йошкар-Олаш толмеке, художественный училищыш вигак кокымшо курсыш тунемаш пурен. 1980 ий гыч республикысе да регионласе ончерлаште пашаже-влакым лукташ тӱҥалын: “Марий кундем”, “Пÿртÿс сÿрет“, “Портрет”, “Совет Россий” (1986 ий), “Кугу Юл”; 1991 ий – Озаҥ, 1998, 2003 ийла – Угарман, 2000 ий – Волгоград. 1998 ий гыч Российысе сÿретче-влак ушем радамышке ушнен, а 2003 ийыште ты ушемын дипломжым кучыктеныт. Тудын сÿретшым кугыжаныш галерей да тыгак коллекционер-влак Российыште, Польшышто, Испанийыште, Чехийыште да УАШ-ште налыныт.

Усталык паша[тӧрлаташ | вики-текстым тӧрлаташ]

Файл:Карелия.2002 г. 16х24, ДВП,м..jpg
"Карелий". Сергей Вишневский

Теве кузе Сергей Вишневский нерген Андрей Бакулевский, Россий сÿретче-влак ушемын еҥже ойла.

« Сергей Вишневский шке сÿретшым нигунам натура гыч ок возо. Тудын чыла пашаже – кӧргӧ ужмашыжын, шарнен сÿретлымашыжын саскаже. Тудо тÿрлö йöн-влак дене пайдалана, верын, жапын да сÿретлышаш объектын условностьшо деч эрыкан улеш. Тудын сÿретыштыже пуйто келшыдыме тÿс, тон, кыл-влак пырля кучылталтыт. Туге гынат, чын улмо шижмаш ок йом. Тудын чодыраже (ик эн чот йöратыме темыже) ила, шÿла, лойга. Тиде лойгымаш, сÿретыште чын улмо шижмаш ончышо-влак деке кусна. Вигак огыл, икмыняр жап гыч, но курымешлан. Ик але кок сÿретше дене веле серлагыше ик еҥымат ом пале. Сÿретше-влак шкешт деке ончышым ӱжыт, сымыстарат. Мутат уке, Сергейын сайрак да начаррак пашажат вашлиялтеш. Но тиде эреак ала-мо у, тетла лийын кертдыме, шкаланже гына келшыше. Эре оҥай тудын у пашажым ужаш, пален налаш, мом тудо эше ямдыла, кузе ты тÿням весемда. »

Южгунам тудым лишыл йолташыже-влакат, живописьшым йöратыше-влакат огыт умыло, молан манаш гын тудо шке шарнымашыжым почын пуа. Тидын дене тудо импрессионист-влак деке лишыл, кеч тудын паша йӧнжым ик мут дене каласаш ок лий. Тудо тÿрлö, тунамак палыме. Сергей Павлович правил-влакым ок шотло, но гармонийымат ок пудырто. Сергей политике дене кылдалтше огыл, но сюжетан сӱретше-влакым айда лийже ок ончо. Тудо öрыктарыше шонымашан. Саде öрыктарымашыже – тÿняжын, илыш ужмашыжын, пÿртÿсын, калыкын ужашыже. Тудо лач тыге ила: веселан, умылтараш лийдымын, Сÿретче семын. Очыни, чылалан огыл тудын пашаже-влак келшат. Авторын тыглай, йоча семын шке верч тыршымыж дене пырля келшаш тыршыме кумылжо йöршеш уке, тидыже автор дек пагалымашым гына луктеш. Шотдымылыкым да усталыкым чÿчкыдынак шылтыше шонен лукмаш, пафос, мотор мут-влак пашаштыже уке улыт. Тудо шкеж дек, пашаж дек, шке сеҥымашыж да пиал укелыкше дек ироний дене онча.

« "Тиде волгыдо, сылне пале деч, ты чия шукылык деч посна Марий Эл Республикын живопись палитрыже шукылан нужнарак лиеш ыле".

Андрей Бакулевский, Россий сÿретче-влак ушемын еҥже

»

Сӱрет-влакше[тӧрлаташ | вики-текстым тӧрлаташ]

Тыгак ончо[тӧрлаташ | вики-текстым тӧрлаташ]