Викиувер: Элыштына Марий Йӱштӧ Кугыза эн палыме-влак гыч иктыже

Марий  Йӱштӧ Кугыза Российыште эн чапланыше лу Йӱштӧ Кугыза радамыш пурен. У ий вашеш «ТурСтат» российысе агентстве тыгай иктешлымашым Йӱштӧ Кугызан илемыштыже лийше турист-влакым аклен ыштыме.

Марий Йӱштӧ Кугыза кудымшо верыш лектын. Мемнан Йӱштӧ Кугызан илемжылан Шернур районысо Кукнур села шотлалтеш. Мутат уке, эн чапланыше — тиде Великий Устюг гыч руш Йушто Кугыза.

Тыгак лу эн чапланыше Йӱштӧ Кугыза коклаште Татарстан, Карел, Бурятий, Одо кундем, Мордовий, Чуваший, Ямал-Ненец автоном округ да Тува гыч телымсе юзо-влак улыт.