Викиувер: Марий электрон книгагудым ыштымаште пеҥгыде ошкыл

Википедий — эрыкан энциклопедий гыч материал
Перейти к навигации Перейти к поиску
«Ончыко» журналын икымше номерын комжо.

Республикысе марий тӱвыра рӱдерын марий йылмым да культурым у жаплан келшыше йӧн дене вияҥдыме шотышто пӧлкаже да МарНИИЯЛИ-н йылме пӧлкаже марий электрон книгагудым чумыра. Ты пашаште тымарте изи огыл ошкыл ышталтын. Мутлан, 1954 ий гыч лекташ тӱҥалше «Ончыко» журналым таче кече марте чыла номержымат сканироватлен пытарыме. Чылаже 500 утла номерым электрон версийыш кусарыме.

Марий тӱвыра рӱдерысе пӧлкам вуйлатыше Геннадий Сабанцевын мутшо почеш, «Ончыко» журнал – тиде марий сылнымутын воштончышыжо. Компьютер йӧн дене пайдаланен, ынде тудым тӱня мучкат марий-влак лудын кертыт.

МарНИИЯЛИ-н йылме пӧлкан пашаеҥже Андрей Чемышев тыге ешарен: «А тидланже «Ончыко» журналым лукшо-влак дечын тудым эрыкан лицензий почеш интернетыште савыкташ йӧным пуаш йодына».

«Ончыко» журналын электрон архившым интернетыште mari-lab.ru адресыште муаш лиеш.