Викиувер: Марий самырык театрын пӧртшӧ уэммашым вуча
Йошкар-Олаште самырык театрын зданийжым пужен ышташ тӱҥалыт. Тушто ондак курчак театр верланен ыле, кызыт самырык театр пашам ышта.
Тӱвыра министерстве проект да смете документацийым 8 миллионат 900 тӱжем утла теҥгелан тӧрлаш шона. Инженер шымлымаш эртышаш, зданийым тичмаш терген лектыт да техник заключенийым ыштышаш улыт. Умбакыже проект документаций ямдылалтеш да Кугыжаныш экспертизыш колталтеш.
Чыла тиде пашам тений 30-шо сентябрь марте ыштен шуктыман.
«Марий Эл» кугыжаныш теле да радио компанийын сайтыштыже лудаш