Викиувер: Калык- влакын келшымаш пӧртыштым жап деч ончыч ыштен шуктат
Калык-влакын келшымаш пӧртыштым жап деч ончыч ыштен шуктат. Кызыт тушто чоҥымо паша умбакыже шуйна. Объектыште 50 еҥ тырша. Пӧртын пырдыжшым пелыже наре кӱ дене комыжлымо. Вентиляций системе ышталтеш, кӱварлан негыз шаралтеш, отделке, электротехник, сантехник паша шукталтеш.
Чоҥымо площадкыште Марий Элым вуйлатыше Александр Евстифеев лийын. Контракт почеш Калык келшымаш пӧрт 2023-шо ийын майыште шукталтшаш, но подрядчик тений декабрьланак шукташ сӧра. 2023-шо ийлан ойырышаш оксам 2022-шо ийыш кусараш кутырен келшыме. Сандене кӱлешан оборудований ден мебельым ситарыме процедура тӱналшаш. Ырыктыме системым пашаш колтымо.
Пашам тӱҥалмылан ик ият уке гынат, зданий 47 процентлан ямде.
«Марий Эл» кугыжаныш теле да радио компанийын сайтыштыже лудаш