Викиувер: Звенигово мастар-влак Марий Элын картыжым тӱрлат
Звениговысо мастар-влак Марий Элын карте ден гербшым тӱрлат. Республикыштына «Российын тӱрлымӧ картыже» проектым шыҥдараш тӱналыныт. Проектын шонымашыже - тӱрлымӧ радына семын элнан кугу картыжым ыштымаш.
Тудын посна ужашыже-влак кажне регионын ойыртемжым, тудлан келшен толшо тӱржым да ыштыме техникыжым почын ончыктат. Республикыштына тиде почётан пашам шукташ Звениговысо калык мастар-влакын Пӧртшын уста кидан еҥыштлан ӱшанен пуымо.
Шке эскизыштлан тӱрлызӧ-влак республикын маскалан келшен толшо контуржым, республикын гербшым налыныт. Гербшын ший кумдыкыштыжо кынелше маскам сӱретлыме. Тӱҥ орнаментлан кайыкын сӱретше кучылталтеш. Молан манаш гын, тошто легенде почеш марий калык лудо деч шарлен, - умылтарат Мастар-влакын Пӧртыштышт.
«Марий Эл» кугыжаныш теле да радио компанийын сайтыштыже лудаш