Викиувер:Марий йылмым туныктышо-шамыч «Юл кундемысе вики-семинарыште» шинчымашым погеныт

Википедий — эрыкан энциклопедий гыч материал
Перейти к навигации Перейти к поиску

4 гыч 6 ноябрь марте Марий Элын рӱдолаштыже Йошкар-Олаште икымше гана «Юл кундемысе вики-семинар» эртаралтын.

Семинарышке коло утла еҥ ушнен. Погынышо-влак Моско, Санкт-Петербург, Озаҥ, Зеленодольск, Уфа, Ижевск, Сыктывкар олала гыч, Украина гыч, Марий Элын Морко районжо гычше лийыныт. Форумышто тӱрлӧ эксперт-влак лийыныт: руш Википедийын директоржо Владимир Медейко, руш Википедий почеш иктешлымашым ыштыше Дмитрий Рожков, Википедийым эскерыше, OTPS-агент Николай Литвинов, лезгин да башкир йылман Википедийым вӱдышӧ Олег Абарников, татар йылме дене Википедийым вӱдышӧ, эрыкан кусарыше Фархад Фаткуллин. Тыгак моло эксперт-влакат, мутлан, марий Википедий деч Андрей Чемышев, башкир Википедий деч Зуфар Салихов, татар Википедий деч Абдулла Хамидуллин да украин Википедийы деч Алина Возная лийыныт. Семинарышке колышташ да тунемаш моло еҥ-влакат толыныт. Тиде – Сыктывкар ола гыч коми йылме гыч профессионал кусарыше-влак, удмурт Википедийыште чолга возышо-влак да Морко район гыч марий йылмым туныктышо-влак. Форумышто Викимедийын проектлажым Российысе калык-влакын йылмышт дене вияҥдымаш да эрыкан шинчымашым ыштыме да шарымаш нерген да моло теме нергенат мутланеныт.

«Юл кундемысе вики-семинарым» чумыраш да эртараш «Викимедия РУ» НП, Башкортостан Википедийын тӱшкаже да марий Википедийын волонтёр-влакше полшеныт.


Марий тӱвыра рӱдерын сайтыштыже лудаш