Википедий:Username policy

Калык пале-влак.

Кугезына-влакын мланде дене кылдалтше озанлык пашашт пӱртӱс кончышым, игечын вашталт шогымыжым тӱткын эскерен шогаш таратен. Жапыштыже йӱр, шокшо толын гын шурно сайын шочын, саска умен, мӱй лектышат куандарен. Садлан игече шотышто ончылгоч палаш тыршеныт: мо ышталтмым, могай вашталтыш лийеден шогымым шекланеныт, нунын кокласе кылым умылаш тыршеныт. Тыге шуко кумырла дене шуктен шогымо тыгай сомыл келге иктешлымашым - калык палым - шочыктеныт. Тӱрлӧ кундемыште илыше марий-влак палым тӱрлӧ семын ойлат. Мутлан, Марий Элысе Морко,Волжск, Звенигово,Киров областьысе Уржум, Малмыж да Татарстан республикысе Алабуга (Елабуга) районлаштн палымаш, пален шогымаш, паллык мут-термин0влакым кучылтыт.

Игечым ончыктышо калык пале-влак

• Жава коремыште кычкыра гын - шокшылан.
• Самбар шӱшка – йӱштӧ толеш.
• Поранлан – пий пӧрдалеш.
• Олагорак вӱдыштӧ йӱштылеш – левышта.
• Пырыс коҥгаш пура – йӱштӧ толеш.
• Вольык кастене кочкаш кержалтеш – эрлашыжым йӱр лиешак.
• Пачемыш лукыш пызна гын, мардежым вучыман.
• Шокшо мотор кече вашеш пырыс кӱвароҥаш возеш.
• Эрдене лупс вичкыж – йӱр толшашлан.
• Пырыс чӱчкыдын йӱэш гын, игече пужла.
• Икымше кӱдырчӧ марте мланде ок ыре.
• Комбо йӱдвелыш пел йола шога гын, йӱштӧ игече толеш.
• Пий нержым йымакыже шӱшкеш – йӱштӧ толмашым шижтара.
• Пырыс чӱчкыдын йӱэш – игече пужла.
• Кечывалвелышкыла пыл кая – ояра.
• Пырыс коҥгаш пура – йӱштӧ толеш.
• Вараксим мланде деке лишемын чоҥештылеш – йÿр толеш.

Мланде паша дене кылдалтше калык пале - влак

• Умыр волгенче чот волгалтеш – кинде лектышан лиеш.
• Майыште йӱр лиеш – шурно что шочеш.
• Лум эркын шула гын – кинде шочеш.
• Телым чот пургыжта – уржа чот шочеш.
• У ий кечын лум возеш гын – кинде сай лиеш.
• Пызле пеледеш гын, киярым шындаш лиеш.
• Куку лышташ лекме деч ончыч мураш тӱҥалеш – шурно тӱвыра ок лий.
• Пӱнчӧ пӱгыльмӧ шуко гын, шож лектышан лиеш.
• Шошо вӱд кугу лиеш – шудо нугыдын шочеш.
• Семык кече мотор – пакча саска лиеш.
• Мокей кече мотор – кияр шочеш.