Википедий:Кугу этнографий диктант – шкем тергаш кӱлешан йӧн
3 ноябрьыште Россий мучко этнографий дене кугу диктант эрта. Марий Эл Республикат тиде акцийышке ушна. Мемнан кундемыште диктантым возаш чылажге 12 верым ямдылыме лиеш. Диктантым возышо-шамычлан 30 йодыш логалеш. Нунын кокла гыч 20 йодышыжо федерал кӱкшытан, Российыште илыше калык-шамыч нерген лиеш. 10 йодыш шкенан кундем дене кылдалтше лийыт. Марий Элыште илыше-влаклан верысе калык-шамыч нерген йодыш-влак логалыт. Чылажге диктант возымо пашалан 45 минут пуалтеш. Диктантым тыгак ты жапыште вигак Кугу диктантын официал сайтыштыже возаш йӧн лиеш. Иктешлымаш 12 декабрьыште палдаралтеш.