Вес-вереш колтымаш
Вес-верек колтымаш але колтымаш командле интерпретаторын кертмашыже, стандартле йогын-влакым пайдаланышылан кӱлшӧ верыш колтымаш.
Unix-гай операций радамлыклаште программе вес-верек колтымашым dup2(2) каласымаш дене але freopen(3) да popen(3) кӱшылрак stdio-гай каласымаш дене ыштен кертеш.
Стандартле пурымаш да лектымаш йогыным колтымаш
[тӧрлаташ | кодым тӧрлаташ]Шукыж годым, колтымашым специальле ӱжватам ушнымаш дене ыштат. Синтаксис тыгай:
команде1 > файл1
команде1 командым ыштен шукта, лектыш файл1 файлыш кая. Тиде команде file1 файлыште уло палым пӱчкедеш. Файл мучашке лектышым ешарашлан >> операторым кучалташ кӱлеш.
команде1 < файл1
команде1 командым ыштен шукта, файл1 файл гыч пуртымашым нала (клавиатуро олмеш).
команде1 < пуртфайл > лектфайл
кок кертмым ушна: команде1 пуртфайл гыч лудеш да лектфайл-ыш воза.
Пучалымаш (piping)
[тӧрлаташ | кодым тӧрлаташ]Программе-влакым пырля тӱҥалын ышташ лиеш, ик программе вес программын лектышым лудеш, тудын коклаште нимогай файл огеш кӱл:
команде1 | каманде2
команде1 командыш ыштен шукта, тудын лектышыже кокымшо command2 коммандылан пуртен пурымаш гай улеш (Пучалымаш лӱм дене кумдан палыме, "|" ӱжвата ожнысек "пуч", аҥгл. "pipe" маналтеш).
Тиде ӱлнӧ возымо кок колтымаш команде да жаплан ыштыме файллан келша:
команде1 > жфайл
команде2 < жфайл
rm жфайл
Интерактивдымо командле интерпретаторышто изиш интерактивлыкым налашлан echo (йӱксавыш) командым чӱчкыдын кучыт. Тиде командле пучалымашым сай кучылтмаш улеш, мутлан:
echo -e "пайдаланыше\nшолыпмут" | ftp localhost
Тиде FTP клиентым тӱҥалеш, пайдаланыше пуртымашым пышта, return-ым (\n) темдала, вара шолыпмут-ым пуртен пышта.