Корчемкина, Вероника Николаевна

Википедий — эрыкан энциклопедий гыч материал
Перейти к навигации Перейти к поиску
Вероника Корчемкина
Корчемкина Вероника Николаевна
200px
Шочмаш дене лӱм:

Сидоркина Вероника Николаевна

Тыршымаш алан:

мурызо, туныктышо

Шочмо вер:

Морко кундем Ӱшӱтӱр ял.

Гражданство/Подданство:

Россий Федераций

Пелаш:

Вячеслав Андреевич Корчемкин

Йоча-влак:

Маша, Аня

Сайт:

vvk.ucoz.ru

Вероника Корчемкина (21 Сӱрем 1966 ий, Морко кундем Ӱшӱтӱр ял) —- марий мурызо, почеламутчо, туныктышо.

Йоча пагыт[тӧрлаташ | вики-текстым тӧрлаташ]

Морко кундемын Ӱшӱттӱр ялеш шочын-кушкын, ӱдыр годсо фамилийже - Сидоркина. Изиж годым Вероника шукырак жапшым коваж пелен (ачажын аваже марий ӱдырамаш лийын) эртарен. Шке манмыжла, туддечак марла чын кутыраш, шомакын чевержым, нелытшым палаш тунемын. Кован каласкалыме ятыр йомакше ушеш лакемыныт да ӱдырым шонаш таратеныт. Аваже Киров кундем гыч толшо руш еш гыч лийын, но марий йылмым сайын пален.

« Авам руш ӱдырамаш лийын гынат, марий йылмым пеш сайын пален. Тудо жапыште марий еш гыч лекше икшыве-влак руш йылмым сайын палыдымыштлан урокышто рушла каласкалымым тӱрыс умылен кертын огытыл. Авам, тудо туныктышылан ыштен, урокым ондак рушла вӱда. Вара уэш тидымак марла каласкален умылтара ыле. »
« Авам руш, садлан шукыжо рушла мурым муренам, почеламутым рушла возенам. Варарак марла возаш тӱҥальым. Тыге шочо мыйын икымше почеламутем да мурем - "Ачамлан". Почеламут почеш муро-влак шочаш тӱҥальыч… »

Тунеммаш да ешым чумырымаш[тӧрлаташ | вики-текстым тӧрлаташ]

Файл:Корчемкинмыт еш.jpg
Вероника ден Вячеслав Корчемкинмыт - мурызо еш

Вероника Сидоркина 1983-1988 ийлаште Марий кугыжаныш пединститутын филологический факультетыштыже шинчымашым пога. Тунем лекмек, Морко школышко руш йылмым да литературым туныкташ кая. Тунамак "У муро" ансамбльышке кошташ тӱҥалеш. Творческий корныжо лач тиде ансамбль гыч тӱҥалеш. Марлан лекмек, пелашыже Вячеслав Андреевич Корчемкин дене У Торъял кундемыш илаш куснат. Ныл ийым Масканур школышто ыштымеке, пелашыжын шочмо поселкыш, У Торъялыш, куснат. Коктынат школышто туныкташ тӱҥалыт: Вероника Николаевна - марий йылмым, Вячеслав Андреевич - физикым да информатикым.

Марий Эл Радиошто йоҥгышо мурыжо-влак[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]

Тыгак ончо[тӧрлаташ | вики-текстым тӧрлаташ]