7 сорла

Википедий — эрыкан энциклопедий гыч материал
(7 Сорла гыч колтымо)
сорла
Шч Кш Вр Из Кг Шм Рш
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
             
2024 ий

7 cорла (7 август) — григориан кечышот почеш идалыкын 219-ше (кужемдыме ийлаште — 220-шо) кечыже. Идалык пытыме марте 146 кече кодеш.

Пайрем да памятный дате-влак[тӧрлаташ | кодым тӧрлаташ]

Лӱмгече[тӧрлаташ | кодым тӧрлаташ]

  • Танле (православный) лӱм-влак:
    • Пӧръеҥ лӱм-влак
      • Александр — мученик Александр, священномученик Александр (Сахаров).
      • Аттал — мученик Аттал.
      • Виттий — мученик Виттий.
      • Епагаф — мученик Епагаф.
      • Макарий (Макар) — преподобный Макарий Желтоводский (Унженский).
      • Матур — мученик Матур.
      • Понтин (Понтий) — мученик Понтин.
      • Сакт (Санкт) — мученик Сакт.
      • Христофор — Христофор Коряжемский.
    • Ӱдырамаш лӱм-влак:
      • Анна — Шнуй Анна, Пресвятой Богородицан аваже.
      • Евпраксия — преподобная Евпраксия Константинопольская.
      • Ираида — исповедница Ираида.
      • Олимпиада — Олимпиада Константинопольская, диакониса.

Событий-влак[тӧрлаташ | кодым тӧрлаташ]

Тугак ончо: Категорий:Сорла тылзын 7 кечысе событий-влак

Марий тӱняште[тӧрлаташ | кодым тӧрлаташ]

Тӱня мучко[тӧрлаташ | кодым тӧрлаташ]

  • 1720 ий — Йӱдвел Сар кайыме жапыште руш войска-влак Гренгам отро воктене швед-влакым кырен шалатеныт.
  • 1941 ий — Кугу Ачамланде Сар жапыште лётчик Виктор Талалихин йӱдым тушман бомбардировщикым таран дене волтен шуэн. Тиде эртымгорнышто икымше йӱд таран лийын.
  • 1988 ий — Америка гыч Линн Кокс у рекордым шынден. АУШ гыч Россий марте теҥыз гоч ийын вончышо икымше айдеме лийын. Тидын деч посна тале ӱдырамаш шуко рекордым шынден: тудак Байкалын йӱштӧ вӱдыштыжӧ 4 шагат утла ийын кертын, Кукын, Магелланын пролившымат ийын вончымылан тудым рекорд книгашке пуртымо.

Шочыныт[тӧрлаташ | кодым тӧрлаташ]

Тугак ончо: Категорий:Сорла тылзын 7 кечынже шочшо-влак

  • 1945 ий — Валерий Алексеевич Никитин, туныктыш да ял озанлык пашаеҥ, Россий Федераций ял озанлыкын сулло пашаеҥже. Шочын-кушкын тудо Кужэҥер кундем Нуръялыште. Онычсо паша корныжо Марий совхоз техникум дене кылдалтын: агрономлан, вуйлатышын алмаштышыжланат тыршен. А вара Медведево райипсолкомын ял озанлык кучем вуйлатышыже лийын. 1985-2005-ше ийлаште Марий аграрный колледжын вуйлатышыжлан шоген. Суапле пашажлан Йошкар Знамя Паша орден да кугыжаныш чап танык дене палемдалтын.
  • 1963 ий — Андрей Эрнестович Сиберт, сӱретче. Йошкар-Олашке 20 ияш годымжо толын. Тӱрлӧ газет да журнал редакцийлаште пашам ыштен. Италийыште, Японийыште, Америкыште да моло эллаштат эртаралтше калык-влак кокласе карикатур конкурслаште лауреат лӱмым сулен. Америкысе карикатурист-влакын калыкле ушемын чолга сӱретчыже.
  • 1961 ий — Сергей Васильевич Лялин, мер пашаеҥ. Томск кундемыште шочын-кушкын. 9 ий тудо студент-влак профсоюз ушемын вуйлатышыже лийын, шкежым активист семын ончыктен. Самырык-влаклан «Марфуся» фестивальын авторжо. «Молодёжный курьер» газетын иктешлымыже почеш 1998-ше ийыште Сергей Васильевич «Идалыкын айдемыже» лийын. Юлтехын попечитель-влак Советын еҥже.
  • 1964 ий — Валерий Михайлович Киткаев, журналист. Шернур кундем Ананур ялыште шочын. Кӱшыл шинчымашым Марий кугыжаныш педагогик институтышто налын. Паша корныжо Пуял школ, «Ямде лий» газет, Тошто Торъял школ да «Марий Эл» газет редакцийыште эртен. 2001-ше ий гыч У Торъял кундемысе газетыште тыршаш тӱҥалын, а ик ий гыч «Торъял ӱжара» газетым почын.
  • 1969 ий — Сергей Иванович Таныгин, сӱретче. Кужэҥер кундемыште шочын-кушшо талантан сӱретчын паша корныжо Марий самырык театрыште тӱҥалын, а кызыт гын тудо М. Шкетан лӱмеш кугыжаныш драме театрыште пашам ышта. «Морко сем», «Ой, луй модеш», «Калевала» драма-влаклан костюм да декораций эскиз-влакым ямдылен. Тудын пашаже-влакым Йошкар-Оласе тоштерлаште ужаш лиеш.

Коленыт[тӧрлаташ | кодым тӧрлаташ]

Тугак ончо: Категорий:Сорла тылзын 7 кечынже колышо-влак

Калык пале[тӧрлаташ | кодым тӧрлаташ]

  • Аннан кечыже. Тиде кечын шушаш теле могай лийшашым мужедыныт. Эрдене юалге гын, телат йӱштӧ лиеш. Южо кундемлаште лач тиде кечын икымше пареҥгым тамленыт, а Илян кечын икымше киндым.