7 Кылме

Википедий — эрыкан энциклопедий гыч материал
Кылме
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2014 ий

7 Кылмегригориан кечышот почеш идалыкын 311-ше (кужемдыме ийлаште 312) кечыже. Идалык пытыме марте 54 кече кодеш.

Пайрем-влак[тӧрлаташ]

  • Россий Россий — Сарзе чап кече. Ты кечын 1941-ше ийыште Москосо Йошкар площадьыште Октябрь революцийлан 24 ий темме лӱмеш парад эртен.
  • Россий Россий (1918 гыч 1991 ийлаште) — Кугу Октябрь революций кече палемдалтын.

Лӱмгече[тӧрлаташ]

Шке лӱмгечыштым Афанасий, Валерий да Анастасия-влак палемдат.

Мо лийын[тӧрлаташ]

Тыгак ончо: Категорий:7 Кылме Мо лийын

  • 1902 ий — Тула олаште икымше вытрезвительым почыныт.
  • 1917 ий — Октябрь Революций лийын!
  • 1918 ий — Совет Российын икымше почто маркыже-влакым лукмо.

Кӧ шочын[тӧрлаташ]

Тыгак ончо: Категорий:7 Кылме Кӧ шочын

  • 1931 ий — Людмила Григорьевна Шестопёрова, туныктыш пашаеҥ, Россий Федерацийын сулло туныктышыжо. Шкеже тудо У Роҥго кундем Верх-Ушнур села гыч. Марий кугыжаныш педагогик институтым тунем лекмек, Мари-Турек кундемысе Косолапово кыдалаш школышто тыршаш тӱҥалын да 32 ий тыштак пашам ыштен. Суапле пашажлан ятыр чап танык дене палемдалтын.
  • 1932 ий — Назарий Александрович Александров, тазалык аралтыш пашаен, шымлызе, профессор. Морко кундемын шочшыжо 1967-71 ийлаште Йошкар-Олан 2-шо №-ан поликлиникын тӱҥ врачше лийын, ятыр ий Марпединститутын капкультур кафедрын деканжылан пашам ыштен. Шуко повестьын, ойлымашын да очерк-влакын авторжо. Медицина наука кандидат. Марий республикын сулло шанчыенже.
  • 1949 ий — Анатолий Иванович Самсонов, сарзе вуйлатыше, генерал-майор. Тудо ятыр элыште службым эртен: Афганистанысе туткарыштат лийын. 1994-2005-ше ийлаште Марий Элын сарзе комиссар сомылым шуктен шоген.
  • 1946 ий — Валерий Павлович Лазарев, тӱвыра пашаеҥ, Марий Эл сымыктышын сулло пашаеҥже. Морко кундем Курыкӱмбал ялыште шочын. 1976-шо ий гыч тудо Моркысо кыдалаш школышто музык предметым вӱдаш тӱҥалын, профучилищыштат хорым вуйлатен. Тиде пашажым аклыде кодымо огыл: ятыр чап танык дене палемдалтын.

Кӧ колен[тӧрлаташ]

Тыгак ончо: Категорий:7 Кылме Кӧ колен

Калык пале[тӧрлаташ]

Тиде кечын пÿртÿс шортеш – маныныт. Тошто еҥым уштеныт, шÿгарлавак миен толыныт. Тиде кечын тулык еҥ-влаклан полшет гын, Юмо тый декет мелын савырна.