6 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

6 Сорла — григориан кечышот почеш идалыкын 218-ше (кужемдыме ийлаште 219) кечыже. Идалык пытыме марте 147 кече кодеш.

Пайрем-влак[тӧрлаташ]

  • Уло тӱнямбалне таче эмлызе-влакын тыныслык верч шогымыштым палемдат.
  • Россий Федерацийысе кӱртньыгорно войскан пайремже палемдалтеш.
  • Хиросимын кечыже. Тиде кече - ядер оружий ваштареш кучедалме кече.

Лӱмгече[тӧрлаташ]

Сорла тылзын кудымшо кечынже Борис, Глеб, Лукьян, Роман да Кристина-влакын лӱм кечышт.

Мо лийын[тӧрлаташ]

Тыгак ончо: Категорий:6 Сорла Мо лийын

  • 1851-ше ийыште Моско-Санкт-Петербург кӱртньыгорным эскераш да ачалаш лӱмын подразделенийым почыныт.
  • Тиде кечынак 1889-ше ийыште бокс дене перчатка деч посна кучедалмаш пытартыш гана эртаралтын. Тидын деч вара боксыш перчаткым пуртымо.
  • 1961-ше ийыште космонавт Герман Титов космосыш чоҥештен. Историйыште тудо кокымшо космонавт лийын.

Кӧ шочын[тӧрлаташ]

Тыгак ончо: Категорий:6 Сорла Кӧ шочын

  • 1920 — Андрей Михайлович Яналов, Совет Ушем Герой. Тудо 1920-шо ийыште Шернур кундем Лапка Памаш ялеш шочын. Самырык рвезылан Кугу Ачаэл сарыш каяш логалын, Кёнигсберг (кызыт Калининград) олам штурмоватлыме годым чот ойыртемалтын да тиде кредалмаштак колен. Лӱддымылыкым, патырлыкым ончыктымыжлан тудым Совет Ушем Герой чап лӱм дене палемденыт.
  • 1934 — Геннадий Гаврилович Калинкин, руш поэт, журналист, Марий Эл тӱвыран сулло пашаенже. Шкеже Свердловск вел Серов ола гыч, но илыш корно тудым Марий республикысе Волжск олаш конден. Ончыч «Волжская правда» газет редакцийыште, вара школлаште тыршен. 5 книган авторжо. Волжск олан почётан гражданинже.
  • 1949 — Геннадий Анатольевич Ямбаршев, милиций пашаеҥ да криминалист, Россий Федерацийын сулло юристше. Шернур кундем Кондрач починга ялыште шочын. 1970-ше ий гыч тудо рӱдолаштына милиционерлан пашам ышташ тӱҥалын, а 3 ий гыч эксперт лийын. 90-ше ийлаште тудо Йошкар-Олан да элкӧргӧ паша министерствын эксперт-криминалистик пӧлкан вуйлатышыже лийын. Полковник.
  • 1952 — Василий Михайлович Калабашкин, администраций пашаеҥ. Шочын-кушкын тудо Звенигово кундем Мари-Отар ялыште. Паша корныжо Исменца ял шотан илем дене кылдалтын. Ончыч инспекцийыштат тыршен.
  • 1962 — Раиса Яковлевна Факаева, кугыжаныш да мер пашаеҥ. Пошкырт Эл Мишкан кундемыште шочын. 2000-шӧ ий гыч финанс министерствын тӱҥ специалистшылан шогалын. А 2005-ше ий гыч эрвел марий-влакын «Ош виче» землячествы вуйлатышын алмаштышыжлан тырша.
  • 1969 — Светлана Владимировна Осипова (Дмитриева), Марий Элын сулло артисткыже. Шочынжо Светлана Владимировна Пошкырт кундем Калтаса кундемыште. Ынде талантан мурызо Марий кугыжаныш филармонийын солисткыжлан пашам ышта, калыкымат шке мурылаж дене куандарен шога.

Кӧ колен[тӧрлаташ]

Тыгак ончо: Категорий:6 Сорла Кӧ колен

Калык пале[тӧрлаташ]

Борис ден Глебын кечыже. Кӱдырчан йӱр йӱреш гын, шудо каваным оролаш тыршеныт: калык ой почеш тиде кечын волгенче каваным пера да шудо йӱла. ¡дырамаш-влак гын ломбогичкым погеныт да телылан кошташ шынденыт.