3 Идым

Википедий — эрыкан энциклопедий гыч материал
Идым
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
             
2014 ий

3 Идымгригориан кечышот почеш идалыкын 246-шо (кужемдыме ийлаште 247) кечыже. Идалык пытыме марте 119 кече кодеш.

Пайрем-влак[тӧрлаташ]

  • Терроризм ваштареш кучедалмаште пырля улмо кече палемдалтеш.

Лӱмгече[тӧрлаташ]

Александр, Павел, Фаддей – влакын лӱм кечышт.

Мо лийын[тӧрлаташ]

Тыгак ончо: Категорий:3 Идым Мо лийын

  • 1826 ий — Россий император Николай Икымшын коронацийже эртен.
  • 1914 ий — бюстгальтерлан икымше патентым налме.
  • 1939 ий — Великобританий ден Франций Германийлан сарым увертареныт.
  • 1984 ий — англичан учёный Алек Джеффриз кажне айдемын ДНК-аже шкешотан, ойыртемалтше улмо нерген открытийым ыштен.

Кӧ шочын[тӧрлаташ]

Тыгак ончо: Категорий:3 Идым Кӧ шочын

  • 1925 — Евгений Иванович Зотов, муниципал пашаеҥ. Киров область Уржум кундемыште шочын. Кугу Отечественный Сар корным эртен. 1958-ше ий гыч Марий Тӱрек кундемысе комитетыште пашам ышташ тӱҥалын, вара Шернур райкомыш куснен. 12 ий Йошкар-Оласе кугыжаныш комитетым вуйлатен. Тудын тыршыме жапыште ятыр чоҥымаш проект илышыш шыҥдаралтын. Тӱвыра пашаштат Евгений Ивановичын надырже моткоч кугу. Суапле пашажлан Йошкар Знамя Паша орден дене палемдалтын. Йошкар-Олан да Советский кундемын почётан гражданинже.
  • 1962 — Анатолий Николаевич Ведушев, бизнесъеҥ. Тудо Морко кундем Шлань ялыште шочын-кушкын. 1993-шо ий гыч тудо бизнес пашаште шуаралташ тӱҥалын. «Витекс» ушемын вуйлатышыже сомылым шуктен шога.
  • 1936Валериан Григорьевич Смирнов, паша ветеран. Морко кундем Кораксола ялеш шуко шочшан ешеш шочын. Ончыч Морко, вара Параньга педучилищыште тунемын. Шке шочмо Морко кундемыштыже Ярамор, Янцитово, Морко кыдалаш школлаште, Роҥгышто, туныктыш комбинатыште завучлан тыршен. Чылаже 55 ий утла школышто пашам ыштен. Валериан Григорьевич – уста сӱретче, пу гыч тӱрлӧ арверым пӱчкедыше мастар. Тудын пашаже-влакым тӱрлӧ ончерлаште чӱчкыдын ужаш лиеш.

Кӧ колен[тӧрлаташ]

Тыгак ончо: Категорий:3 Идым Кӧ колен

Калык пале[тӧрлаташ]

  • Фаддейын кечыже. Ты кечын ожно кынем тӱредыныт да олыкыштак коштеныт. Юмо деч сай кыне лектышым йодыныт.