17 Вӱдшор

17 Вӱдшор — григориан кечышот почеш идалыкын 107-ше (кужемдыме ийлаште 108) кечыже. Идалык пытыме марте 258 кече кодеш.

Лӱмгече

• Вениамин, Георгий, Егор, Зосима, Иосиф, Никифор, Юрий, Роберт, Рудольф, Стефан

Мо лийын

Тыгак ончо: Категорий:17 Вӱдшор Мо лийын

Кӧ шочын

Тыгак ончо: Категорий:17 Вӱдшор Кӧ шочын

• 1928 — Виталий Дмитриевич Маслихин, туныктыш да шанче пашаеҥ, философ, Марий республикын сулло шанчыеҥже. Марий кугыжаныш педагогик институтышто 30 ий утла пашам ыштен. Социал философий, антропологий дене кылдалтше 100 наре шанче пашам возен.

• 1939 — Борис Рихардович Веркау, режиссёр, Марий Эл сымыкытышын сулло пашаеҥже. 1980-1999-ше ийлаште тудо Йошкар-Оласе Руш драмтеатрын спектакльым шындыше режиссёрлан тыршен. А вара курчак театрышке толын. Комедий жанрыште кугу специалистлан шотлалтеш.

• 1955 — Василий Григорьевич Ершов, Мари-Турекыште шочын-кушшо сӱретче. Паша корныжо Мари-Билямор ялысе тӱвыра пӧртыштӧ тӱҥалын. Умбакыже заводышто сӱретче-оформительлан тыршен. 2001-ше ийыште Йошкар-Оласе администрацийын йӧнозанлык пӧлкажын тӱҥ специалистшылан шогалын. Финно-угор толкын тистын да эмблемын авторжо. Тыгак ятыр марий книга-влакын иллюстраторжо улеш.

• 1960 — Лидия Ивановна Бочкарёва, мурызо, Марий Элын сулло артисткыже. Параньга район Олор ялыште шочын. Йошкар-Оласе сем училищым тунем лекмек, кугыжаныш филармонийыш капеллын солисткыжлан пашам ышташ пурен. А 1988-ше ийыште, «опер мурызо» специальностьым налмек, Эрик Сапаев лӱмеш опер да балет театрыште солисткылан тыршаш тӱҥалын.

• 1983 — Светлана Аркадьевна Максимова-Бессонова, мутмастар. Шкеже Волжск кундем Ӱлылсола ял гыч. Йоча годымжак сылнымут дек шӱмаҥын да «Юл увер» районысо газет дене кугу кылым кучаш тӱҥалын. Светланан «Тыйым вел йӧратем…» лӱман ойлымаш, новелле да почеламут сборникше савыкталтын.

Кӧ колен

Тыгак ончо: Категорий:17 Вӱдшор Кӧ колен

Калык пале

	17 Вӱдшор Викиклатыште?