Опер
Опер (итальянла opera — паша) — музыкал-драме произведенийын тӱрлыкшӧ; мут, сцене паша да семын ушымыж дене ышталтын.
Вуйлымаш |
[тӧрлаташ] Марий опер
Марий муро аланыште опер жанр - эн шагал тӱзланен. И.С.Ключников-Палантай 20-шо ийлаште "Хор оперым" возынеже ыле, а Яков Эшпай ден Кузьма Смирнов опер шотышто шке шонымашыштым ("Мирон Мумарин ден "Арслан") шуктынешт ыле. Но тичмашын, тӱҥалтыш гыч мучаш марте шке пашажым Эрик Сапаев гына ыштен кертын.
[тӧрлаташ] «Акпатыр» 1-ше опер
"Акпатыр" оперын премьерын эртыме кечыже (5 Вӱдшор 1963) марий оперын шочмо кечыжлан шотлалтеш. «Акпатыр» опер Чавайнын тыгаяк лӱман произведенийже негызеш Эрик Сапаев семлызе возен. Либреттом Геннадий Матюковский, Йыван Осмин, Михаил Якимов ямдыленыт. Пугачёв жап годсо сар кредалмаш пагытым ончыкта, кузе марий-влак руш кугыжа ваштареш шке эрык верч кучедалыныт.
[тӧрлаташ] «Элнет» 2-шо опер
«Элнет» лӱман 2-шо марий оперым Иван Молотов семлызе 1970-ше ийыште возен. Адакат Чавайнын произведенийже негызешак возалтын, либреттом Семен Николаев ямдылен.
[тӧрлаташ] «Алдияр» 3-шо опер
«Алдияр» лӱман 3-шо оперым Элина Архипова 2000-ше ийыште Арсий Волковын «Алдияр» пьесыж негызеш возен (Ганя Гадиатов либреттом ямдылен). Сюжетлан тошто марий ойлымашым налме: йӧратымаш, чимарий-влакым тынеш пуртымаш. Алдияр лӱман сонарзе марий картын ӱдыржым йӧратен шынден, но шкеже танле тын йӱла почеш ила, сандене илышыжым йӧратыме ӱдыр денже кылден ок керт. Тяви лӱман тӱҥ героине йӧратымаш да марий йӱла коклаште чонжым йӱлалта.
[тӧрлаташ] Моло паша-влак
Юрий Евдокимов-Тойварс "Стапан Микале" оперым Миклай Рыбаковын "Морко сем" пьесыж негызеш 1988-ше ийыште возен, Сарра Кириллова либреттом ямдылен.
[тӧрлаташ] Тыгеак ончо
[тӧрлаташ] Негыз
- Энциклопедия Республики Марий Эл - Йошкар-Ола, 2009. - 592-593 лашт.
