Марийская правда
| Марийская правда | |
|---|---|
 | |
| Тип | Мер-политик газет |
| Формат | А3 |
|
|
|
| Тӱҥ редактор | Дружинин С. А. |
| Негызлыме | 1921 ий 28 Сорла |
| Йылме | руш |
| Тӱҥ офис | Йошкар-Ола, СССР Сарзе Вийын 70-ше идалыкше лӱмеш урем, 20. |
| Тираж | 5630 экз. |
|
|
|
«Марийская правда» — Марий Эл Республикысе мер-политик газет, рушла лектеш. 1921 ийыште лекташ тӱҥалын.
Марий Эл Республикын нормативный правовой актше-влакым савыктыше официальный орган улеш.
Учредитель-влак — Марий Эл Республикын Виктерже, Марий Эл Республикын Кугыжаныш Погынжо, ОАО «Газета „Марийская правда“».
Тематика
[тӧрлаташ | кодым тӧрлаташ]Арняште кок гана (кушкыжмын да кугарнян) 24 да 16 полосаште лектеш. Подписке да розница почеш ужалалтеш. Регион нерген увер-влак гына огыл савыкталтыт, лудшо-влак тӱрлӧ материалым муын кертыт: аналитический статья-влак (политик да экономик темылан), илыш гыч ойлымаш-влак, тӱвыра мероприятийлан обзор, лудшо-влакын сылнымут мастарлыкыштым ончыктымаш.
Газет редакций савыкта:
- «Марийская правда» газетын кугарнян лекше номерым,
- «Марийская правда» газетын кушкыжмысо номержым,
- «Молодежная жизнь в Марий Эл» газетым,
- «Марийская правда. Официальный еженедельник» газетым,
- «Марийская правда. Спецвыпуск» газетым,
- «Марийская правда» увер-влак порталым.
Эртык
[тӧрлаташ | кодым тӧрлаташ]1921 ий пургыж тылзын Марий областной партконференций пунчалым луктын: Краснококшайск олаште (кызыт — Йошкар-Ола) типографийым почаш. Партий обкомын да ревкомын газетшым лукташлан типографий кӱлын. Изданийлан «Известия Марийского исполнительного комитета крестьянских и красноармейских депутатов и областного комитета РКП(б)» лӱмым пуэныт, икымше номер 1921 ий сорла тылзын 28 кечынже лектын. Кеч редакцийын шке пӧлемже лийын огыл гынат[1], газет арняште кок гана лектын.
1931 ий марте изданийын лӱмжӧ ик гана веле огыл вашталтын: «Голос Мари», «Бюллетень-газета», «Марийская деревня». Тачысе лӱмым газет 1931 ий шорыкйол тылзын 24 кечынже налын.
1937 ий пеледыш тылзын 24 кечыже гыч ВКП(б) обкомын, Йошкар-Оласе ВКП(б) горкомын да горсоветын органже семын лекташ тӱҥалын. Компартийысе Марий обкомын Рӱдӧ Комитетше ойпидышым лектын: 1963 ий вӱдшор тылзын 24 кечын «Марийская правда» да «Марий коммуна» газетлан редакций-влакыштым ушаш. Тиде кече гыч «Марийская правда» газет КПСС-ын Марий обкомжын, Кӱшыл Каҥашын да Марий АССР-ын органже семын савыкталтын.
1971 ийыште газетлан «Чап Тамга» орденым кучыктеныт. Ты пагытыште газетын тиражше 77 тӱжем экземпляр марте шуын.
Марий Эл Республикын Кугыжаныш Погынжо 1994 ий вӱдшор тылзын 27 кечынже «Марийская правда» газет редакцийын Уставшым пеҥгыдемдыме. Газетын учредительже Марий Эл Республикын Виктерже, Кугыжаныш Погын да «Марийская правда» газет редакцийын паша коллективше лийыныт.
1998 ийыште www.marpravda.ru интернет-сайт пашам ышташ тӱҥалын.
1999 ийыште ага тылзын «Марийская правда» газетын редакцийжым «Газета "Марийская правда"» кугыжаныш унитарный предприятиыш савырыме.
2005 ий ӱярня тылзын Марий Эл Республикын Виктерже пунчалын: ГУП «Газета "Марийская правдам"» ОАО «Газета „Марийская правда“»-ш савыраш.
2014 ий марте газет кажне кечын лектын (рушарням да шочымым шотлыде). 2015 ий гыч газет арняште кок гана лектеш.
Тӱҥ редактор-влак
[тӧрлаташ | кодым тӧрлаташ]- Мухин В. А.
- Чавайн С. Г.
- Болодурин А. А.
- Эшкинин А. К.
- Кашников А. Ф.
- Маракулин Д. Ф.
- Крылов И. П.
- Ведерников И. А.
- Копит Б. С.
- Кавалеров Т. И.
- Бучкин Б. А.
- Карташов В. Н.
- Мальцев В. Э.
- Кочергин В. И.
- Панченко В. В.
- Дружинин С. А.