Коробейников, Сергей Ильич
| Сергей Ильич Коробейников | |
|---|---|
| Сергей Коробейников | |
| Шочмаш дене лӱм | Сергей Ильич Коробейников |
| Шочын | 1953 ий 21 пеледыш (71 ий) |
| Шочмо вер | Берлин |
| Чап пӧлек да премий |
Юстиций министерствын Чапкагазше, Марий Эл Республикын Тӱвыра, савыктыш да калык паша шотышто министерствын Чапкагазше, Марий Эл Республик Виктерын Чапкагазше, Йошкар-Олалан 400 ий теммылан литератур премийы (1984) |
Сергей Коробейников (Сергей Ильич Коробейников) (1953 пеледыш 21, РСФСР, Марий АССР, Йошкар-Ола) — руш серызе, педагогике шанче кандидат (2004), Россий Cерызе-влак ушемын йыжъеҥже (2002).
Илыш корныжо
[тӧрлаташ | кодым тӧрлаташ]Сергей Коробейников 1953 ийын пеледыш тылзын 21-ше кечынже Берлиныште шочын. Йочаж годсекак спортлан, музыклан кумылаҥын. Йошкар-Оласе 6-шо №-ан кыдалаш школым пытарымек, М.Горький лӱмеш МПИ-н механический факультетышкыже пурен. Кок ий тунеммек, заочный пӧлкаш куснен. Вара Н.К. Крупская лӱмеш МГПИ-н индустриально-педагогический факультетышкыже пурен. Тудым пытарымек, 1972–1974 ийлаште Совет Армий радамыште служитлен. 1978 гыч 1983 ий марте «Марспецстроймеханизаций» чоҥышо-монтажный управленийын трестыштыже тӱрлӧ инженер пашаште ыштен. 1983 ий гыч С. Коробейников республикысе МВД органлаште ыштен. 1995 ийыште тудым Новотроицкысе воспитательный колонийыш пашаш кусарат. 1996 ий гыч тудо ты учрежденийын психологический службыжын пашаеҥже. Майор. 2000 ийыште Санкт-Петербургысо Тӱнямбал психологический академийым «практический психологий» специальность дене пытарен.
С. Коробейниковын «О том, как ромашкам стало весело» икымше ойлымашыже 1977 ийыште «Молодой коммунист» газетыште савыкталтын. Тӱҥ шотышто йоча-влаклан йомакым воза. Ик эн сай усталык пашаже – «Три весёлых» дятла книга, тудо Марий книга издательствыште 1985 ийыште лектын. С.Коробейниковын сылнымут мастарлыкше палыме писатель-йомакче-влак Г. Андерсенын, О. Уайльдын, К. Чуковскийын да С. Михалковын возымыштлан эҥертен шуаралтын. С. Михалковым шкеак палымыже тудлан йочалан возышо писатель семын пӱрымашыжым чоҥаш полшен.
1986 ийыште «Пионер йӱк» йоча журнал лекташ тӱҥалмек, С. Коробейников тушко эре возен шоген. «Одуванчик и розы», «Приключения куклы Кати и её друзей в Игралии», «Цветок и каска», «Птица, подарившая людям мир» да моло йомак ден ойлымашлаже эн ончыч «Пионер йӱк» журналыште рушла да марла савыкталтыныт. С. Коробейников «Дружба» альманахыште печатлалтын. Икмыняр книган авторжо.
С.Коробейников шанче-шымлымаш пашамат эртара. Педагогике шанче кандидат (2004).
МВД радамыште сайын служитлымыжлан С. Коробейников медаль да шарныктыш пале-влак, юстиций министерствын, тӱвыра, печать да калык-влакын пашашт министерствын, РМЭ Виктемын чап грамотышт дене палемдалтын. Йошкар-Олалан 400 ий теммылан пӧлеклалтше сылнымут таҥӱчашыште (1984) «Каменный лось» повестьшылан премийым налын, лауреат лийын. 2002 ий годсек Россий писатель ушемын йыжыҥъеҥже.
Тӱҥ произведенийже-влак
[тӧрлаташ | кодым тӧрлаташ]- Девочка-ласточка: сказка // Дружба. Йошкар-Ола. 1985. С. 189—197.
- Нарисованная принцесса ; Невоспитанная лужа ; Малыш : сказки // Дружба. Йошкар-Ола, 1986. С. 185—190.
- Птица, подарившая людям мир : сказка // Пионер йӱк. 1986. № 2. С. 6—7.
- Три веселых дятла : сказоч. истории. Йошкар-Ола, 1989. 64 с.
- Сказка о приключениях двух стеклянных слоников : кн.-раскраска [Кок янда слон иге ужын коштмышт нерген йомак]. Йошкар-Ола, 1994. 32 с.
- Приключений куклы Кати и ее друзей в Игралии : сказоч. история. Йошкар-Ола, 1995. 40 с.
- Цветок и каска : рассказ // Русское слово Марий Эл : произв. рус. писателей Мар. края. Йошкар-Ола, 2004. С. 274—275.
Илышыже да творчествыже нерген литератур
[тӧрлаташ | кодым тӧрлаташ]- Мут мастар-влак радам ешаралтеш // Ончыко. 2002. № 2. С. 157—160.
- Йоча-влакын поро таҥже // Ончыко. 2003. № 6. С. 155.
- Писатели Республики Марий Эл : автобиобиблиогр. сборник. Йошкар-Ола, 2004. С. 35—36.
- Кныш-Ковешникова Г. Психолог научит читать // Мар. правда. 2005. 11 февр.
Чап
[тӧрлаташ | кодым тӧрлаташ]- Юстиций министерствын Чапкагазше.
- Марий Эл Республикын Тӱвыра, савыктыш да калык паша шотышто министерствын Чапкагазше.
- Марий Эл Республик Виктерын Чапкагазше.
- Йошкар-Олалан 400 ий теммылан литератур премийы (1984).
- Россий Cерызе-влак ушемын йыжъеҥже (2002).