Бахтин, Алексей Иванович
| Алексей Иванович Бахтин | |
|---|---|
| Алексей Бахтин | |
| Шочмаш дене лӱм | Алексей Иванович Бахтин |
| Шочын | 1959 ий 25 ага |
| Шочмо вер | РСФСР, Марий АССР, Маскасола кундем, Ким ял |
| Колен | 2003 ий 6 шыжа (44 ий) |
| Колымо вер | Маскасола кундем |
Алексей Бахтин (Алексей Иванович Бахтин) (1959 ага 25, РСФСР, Марий АССР, Маскасола кундем, Ким ял — 6 шыжа 2003, Маскасола кундем) — руш серызе, почеламутчо, журналист.
Илыш корныжо
[тӧрлаташ | кодым тӧрлаташ]Алексей Бахтин 1959 ийын ага тылзын 25-ше кечынже Марий АССР Морко кундем Кораксола ялеш шочын. Йоча жапше Кужэҥер посёлкышто эртен, тыште тудо 1976 ийыште кыдалаш школым пытарен. Кок ий “Куженерский” совхозышто тӱрлӧ пашазылан ыштен, вара водитель лийын. 1978 гыч 1983 ий марте МарГУ-н историко-филологический факультетыштыже тунемын. 1983–1985 ийлаште Шернур районысо “Призыв” газетыште корреспондентлан, пӧлка вуйлатышылан, редакторын алмаштышыжын пашажым шуктышылан тыршен. 1985 ийыште Москосо М.В.Ломоносов лӱмеш кугыжаныш университетыш пурен. “Журналистика” специальность дене тӱрыс курсым пытарен. Республикысе “Республика” да “Марийская правда” газет редакцийлаште ыштен.
А. Бахтин почеламутым 1980 ийлаште сераш тӱҥалын. Советский районысо Алексеевский посёлкышто улшо “Поиск” сылнымут клубын чулым еҥже лийын. 1992 ийыште прозо дене “За золотой рыбкой” икымше сборникым луктын. Почеламутымат возен. Почеламутшо-влак айдемын пӱрымашыже, тудын илышыште верже нерген келге шонкалымаш дене ойыртемалтыт.
Эртыше курым мучаште А. Бахтин илышыштыже тура савыртышым ыштен, амалкалыме пашам тӱҥалын. 2003 ий шыжым рашемдаш лийдыме амал дене пуштыныт.
Тӱҥ произведенийже-влак
[тӧрлаташ | кодым тӧрлаташ]- За золотой рыбкой : рассказы. Йошкар-Ола, 1992.
- Этот поезд ночной...: стихи. СПб, 2001. 64 с.
- Стихи // Сотовый мед. Йошкар-Ола, 2000. С. 23—30.
- Дерево ; Банка с мальками ; Глядя вслед синей тропке : рассказы // Короткие встречи. Йошкар-Ола, 2001. С. 13—20.
- Родные места ; Вокзал : стихи // Русское слово Марий Эл. Йошкар-Ола, 2004. С. 314.
Вес йылмылаш кусарыме произведенийже-влак
[тӧрлаташ | кодым тӧрлаташ]- Шыже тӱс...: стихи / пер. на мар. А. Мокеева // Ончыко. 1997. № 5. С. 74—75.
- Друзьям ; Чтоб радовало глаз, поворошу угольки... ; К старому дому...: стихи / пер. на коми Е. Козлова // Войвыв кодзув. Сыктывкар, 2002. № 6. С. 58—59.
- Вокзал ; Йӱд поезд ; Тротуар...; Тый : стихи / пер. на мар. В. Дмитриева // Ончыко. 2003. № 11. С. 113—115.
Илышыже да творчествыже нерген литератур
[тӧрлаташ | кодым тӧрлаташ]- Краткая биогр. справка // Сотовый мед : страницы соврем, лирики. Йошкар-Ола, 2000. С. 23.
- Краткая биогр. справка // Короткие встречи : антология малой рус. прозы в Марий Эл. Йошкар-Ола, 2001. С. 12.
- Дмитриев В. Чеверын, Леша, поэт йолташна // Ончыко. 2003. № 11. С. 112.
- Краткая биогр. справка // Русское слово Марий Эл : произведения рус. писателей Мар. края. Йошкар-Ола, 2004. С. 314.