Юмо Крешын

Юмо Крешын — христиан пайрем. Иоан Креститель Исус Кристосым Иордан эҥерыште тынеш пуртымо лӱмеш пайремлалтеш.

"Исус Иоан Утарыше дек тынеш пураш толын. Исуслан тынеш пураш да язык деч кораҥаш оккӱлым пален, Иоан Тудым чарен ойлен: "Тиде мыланем Тыйын тынеш пурымет кӱлеш, а Тый мый декем толынат!" Но Исус тудлан вашештен: "Ынде тек тыге лиеш. Тидын дене ме кӱлеш семын Юмын шонымыжым шуктена". Тидын деч вара Иоан Исусым тынеш пуртен. Тынеш пурымеке, Исус тунамак вӱд гыч лектын. Тыгодым кава почылт каен, Иисус деке кӧгӧрчен семын Юмын Шнуй Шӱлышыжӧ волен, тыгодым кавапомыш гычак Йӱк шоктен: "Тиде Мыйын йӧратыме Эргым, Тудын велне Мыйын поро кумылем".