Тушто

Тушто марий калыкын ойпогышкыжо пура.

Тушто калыкыште акрет годсек ила.

Тушто тушташ, туштен ойлаш мут-влак гыч лектын.

Тушто нерген кӱчыкын тыге каласаш лиеш: Мучашдыме меҥгыш унчыливуя кӱзем.

Тушто калык эртымгорным нумалеш. Тушто гоч ме ожнысо шемер еҥын илышыжым, тунамсе жапыште кучылтмо ӱзгар-влакым пален налына. Мутлан, тумо дене писте коклаш ӱшкыж пижын, але кӱртньӧ ӱшкыж пу тӱкан – туштен ожно калык. Тиде сапондо дене шийыныт, шога дене куралыныт.