Революций
Революций (лат. revolutio савырнымаш, вашталтымаш) — тиде пӱртӱсыште, шанчыште, мерыште радикал, тӱҥ гыч, келге да вашке лийын кайыше вашталтымаш. Революций дене таҥастарымаште эволюций - тиде икшырымын да эркын вашталтымаш. Тыгай революций деч реформе ойыртемалтеш, кушто вашталтымаш чыла, уло кумдыкым авалтен огыл, а иктаж могай ужашыжым гына.
Ондак революций мутым астрологий ден алхимийыште гына кучылтыныт. Тиде мут шанчыш Николай Коперникын «De revolutionibus orbium coelestium» (1543) книгаж гыч пурен.