24 шыжа

24 шыжа (24 октябрь) — григориан кечышот почеш идалыкын 297-ше (кужемдыме ийлаште — 298-ше) кечыже. Идалык пытыме марте 68 кече кодеш.

Пайрем да памятный дате-влак

• ООН кече.
• Россий — Спецназ подразделений-влак кече.

Лӱмгече

• Шыжа тылзын коло нылымше кечынже Зинаида, Феофан, Филипп – влакыкн лӱм кечышт.

Событий-влак

Тугак ончо: Категорий:Шыжа тылзын 24 кечысе событий-влак

• 1897 — Российыште икымше футбол матч эртен.
• 1935 — Кремль башньын вуйыштыжо Йошкар шӱдырым вераҥдыме.
• 1939 — нейлон чулка-влакым ужалымашке луктыныт.

Шочыныт

Тугак ончо: Категорий:Шыжа тылзын 24 кечынже шочшо-влак

• 1955 — Василий Алексеевич Янцев, Марий Элысе ял озанлыкын сулло пашаеҥже. Ойырен налме профессийже дене шинчымашым Марий кугыжаныш университетын ял озанлык факультетыштыже поген. Паша корныжо Мичурин лӱмеш колхозышто тӱҥалын. 1980-ше ий гыч «Великополье» ял озанлык ушемын вуйлатышыже лийын. Кундемысе погынын депутатше сомылымат шуктен.
• 1945 — Татьяна Владимировна Попова, Марий Элын сулло шанче пашаеҥже. Шочмо верже – Морко. Паша корныжо Марий кугыжаныш университет дене кылдалтын. Тӱҥ шотышто тудо химийым келгынрак шымлен: химий кафедра вуйлатышат лийын. Химий шанче кандидат.
• 1954 — Аркадий Витальевич Яндулов, администраций да мер пашаеҥ. Тудо Мари-Турек кундемысе Мари-Возармаш ялыште шочын-кушкын. Паша корныжо кундемысе администраций дене кылдалтын. Ынде ятыр ий Аркадий Витальевич вуйлатыше сомылым шукта. Мер пашаштат моткоч кугу пагалымашым сулен: 8-ше марий погынын делегатше лийын.

Коленыт

Тугак ончо: Категорий:Шыжа тылзын 24 кечынже колышо-влак

Калык пале

Филиппын кечыже. Тиде кечын корно чот лаввыран лиеш, маныныт. Но туге гынат, вакшыш пырчым йоҥышташ наҥгаеныт. Ты кечын вочшо лум йӱштö теле толмо нерген шижтара.

	24 шыжа Викиклатыште?