18 кылме
(18 Кылме гыч колтымо)
| ← кылме → | ||||||
| Шч | Кш | Вр | Из | Кг | Шм | Рш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
| 2024 ий | ||||||
18 кылме (18 ноябрь) — григориан кечышот почеш идалыкын 322-шо (кужемдыме ийлаште — 323-шо) кечыже. Идалык пытыме марте 43 кече кодеш.
Пайрем да памятный дате-влак
[тӧрлаташ | кодым тӧрлаташ]- Йӱштӧ Кугызан шочмо кечыже. Вет лач ты кече тудын шочмо Великий Устюг олашке теле толмо кече семын палемдалтеш.
- Корно туткарыште ӱмыр лугыч лийше-влакым шарныме кече палемдалтеш.
Лӱмгече
[тӧрлаташ | кодым тӧрлаташ]Кылме тылзын латкандашыме кечынже Галактион, Григорий, Иона, Анелия да Роман – влакын лӱм кечышт.
Событий-влак
[тӧрлаташ | кодым тӧрлаташ]Тугак ончо: Категорий:Кылме тылзын 18 кечысе событий-влак
- 1775 — Российым 50 губернийлан шеледеныт.
- 1842 — Санкт-Петербург олаште икымше кÿварым чоҥымо нерген кÿштыкым луктыныт.
- 1917 — Моско да российын митрополитшылан Тихон шогалын.
- 1971 — «Intel» компаний икымше микропроцессорым луктын.
Марий тӱняште
[тӧрлаташ | кодым тӧрлаташ]- 1991 ий — Марий самырык театрыште икымше спектакльым модын ончыктеныт. Сергей Николаевын «Айвика» драмыже почеш спектакль лийын.
Шочыныт
[тӧрлаташ | кодым тӧрлаташ]Тугак ончо: Категорий:Кылме тылзын 18 кечынже шочшо-влак
- 1975 — Сергей Михайлович Малинин, семлызе, Олык Ипай лӱмеш кугыжаныш премийын лауреатше. Палантай лӱмеш сем училищыште тунемын. Вара уш – акылжым Озаҥ оласе консерваторийыште пойдарен. Тыгак Парижыште кӱшыл школышто тунемын. 1999-ше ий гыч Озаҥ оласе кугыжаныш консерваторийын аспирантше. Чолга марий рвезе шке мастарлыкшым Йошкар–Олаште, Озаҥыште, Парижыште гына огыл, Италийыште, Москошто, Ижевскыште, Чебоксарыште да моло олалаште ончыктен. Пианист-влак конкурсын лауреатше.
- 1937 — Евгений Фёдорович Петрусевич, машина чоҥышо специалист, Россий Федерацийын сулло машина чоҥышыжо. Моско олаште шочын. Сар тӱҥалме годым Йошкар-олашке эвакуироватлалтыныт. Шинчымашым Евгений Фёдорович рӱдолаштынак поген да ятыр ий машина чоҥышо заводышто инженерлан, лабораторий вуйлатышылан ыштен. Тале рационализаторым 1985-ше ийыште «Знак Почёта» орден дене палемденыт.
- 1922 — Михаил Алексеевич Дружинин, Кугу Ачаэл Сарын талешкыже. Курыкмарий кундемыште шочын. Касвел фронтышто сапёр-влак взводын командирже лийын. Лӱддымылыкым, патырлыкым ончыктымыжлын кок «Йошкар Шӱдыр» орден дене палемдалтын. Армий гыч пӧртылмекше шочмо олаштыже инженерлан ыштен.
- 1985 — Василий Якимов, мурызо, гармоньчо.
Коленыт
[тӧрлаташ | кодым тӧрлаташ]Тугак ончо: Категорий:Кылме тылзын 18 кечынже колышо-влак
Калык пале
[тӧрлаташ | кодым тӧрлаташ]Ионын кечыже. Самырык ÿдыръеҥ-влаклан Юмо деч сай пöръеҥым вашлияш йодыныт. Тыгай йÿлам шуктеныт: эрден эрак тÿвак лектын, пöрт йыр тыгыде оксам кышкеныт.
|
18 кылме Викиклатыште? |
|---|