Самолёт спорт
(Самолет спорт гыч колтымо)
Самолёт спорт — технике дене кылдалтше спорт тӱрлык. Спорт арвер семын самолёт кучылталтеш. Авиаспорт радамыш пура. Кок кугу категорийлан пайлалтеш:
- Писылык, кӱкшыт, тораш чоҥештыме, чоҥештыме кужут, нолталтмаш писылык, нелыт кугытым нӧлтымӧ шотышто самолёт-влак кокласе таҥӓсымаш, да авиаций рекордым шындымаш.
- 1-2 веран спорт да тунемме самолет дене кӱшыл пилотаж, маршрут почеш чоҥештымаш (авиаралли) да самолетым мландыш волтымо мастарлык шотышто спорт таҥасымаш.
Тиде спорт тӱрлык дене Российыште спорт чап лӱм-влакым пуедат (кумшо гыч икымше марте спорт разряд-влак, спорт мастер кандидат, спорт мастер, калык-влак кокласе кӱкшытан спорт мастер, сулло спорт мастер). Кызыт самолёт-спортын тыгай дисциплиныже-влак шарленыт:
- кӱшыл пилотаж таҥасымаш;
- авиаралли;
- ӱчашен чоҥештылмаш;
Российыште уло Российысе самолет спорт Федераций, тудо таҥасымаш-влакым эртара, Российын чумыр командыжым чоҥа. Тӱҥ шотышто поршнян самолет дене кӱшыл пилотажым ончыктымо шотышто пашам ышта.