Россий МЧС
Россий МЧС (рушла Министерство Российской Федерации по делам гражданской обороны, чрезвычайным ситуациям и ликвидации последствий стихийных бедствий - МЧС России, (англичанла EMERCOM of Russia (Emergency Control Ministry of Russia) ) - российысе утарыше службо-влак радамыш пурышо службо. Регионысо утарыше службо, муниципал утарыше службо, российысе субъект-влакын тулазап ден кучедалме службо да эше икмыняр службо дене пырля пашам ышта. Моло утарыше пӧлка-влакым вуйлата.
Эртымгорно
[тӧрлаташ | кодым тӧрлаташ]
|
Кызытсе сынан министерствым ме тӱҥалтышыште чоҥаш шонен огынал. Ямдылалтше, келге шинчымашым налше еҥ-влак Чернобыль гае азап годым вигак утарыме пашаш ушнышт манын, 500 профессионал еҥ гыч шогышо отрядым погынена ыле. |
|
1990 ийыште Сорла тылзын 17 кечынже РСФСР Президиумын Кӱшыл Каҥашыже Российысе утарыше-влак корпусым чоҥымо нерген пунчалым луктын. Теле тылзын 27 кечынже 1990-ше ийыште Министр Каҥашын пунчалже почеш Российысе утарыше-влакын корпусышт чоҥалтын. Тиде кечым Россий МЧС-ын шочмо кечыжлан шотлат. 17 Вӱдшорышто Сергей Шойгу вуйлатыше лийын. Варажым Корпусым "Чрезвычайный ситуаций-влак шотышто кугыжаныш Комитетыш" савыреныт.
Вара у тӧнеж шке лӱмжым икмыняр гана вашталтен. 1994 ийын 10 Шорыкйолышто у ведомство "Министерство Российской Федерации по делам гражданской обороны, чрезвычайным ситуациям и ликвидации последствий стихийных бедствий" (МЧС России) лӱмым налын. У министерствым Сергей Шойгу вуйлаташ ушнен. 2002 ий, Шорыкйол тылзылан Тул ваштареш кучедалше Кугыжаныш службын 278 тӱжем пашаеҥже Россий МЧСыш ушнен. Тиддеч ончыч МЧСыште 70 тӱжем еҥ лийын[2][3].
Тидым палаш оҥай
[тӧрлаташ | кодым тӧрлаташ]- Сергей Шойгу министрлан 1993 ий 26 Вӱдшорышто переаттестаций радам дене "генерал-майор" сар лӱмым пуеныт. Тиддеч ончыч тудо "старший лейтенант запаса" лийын.
- Россий МЧСын Кас-Йӱдвел регион рӱдерже "Аватар" фильмын опытшым шке пашаштыже кучылтеш. Autodesk 3ds Max программе дене кызыт лӱдыкшӧ объект-влакын (АЭС, ГЭС, химий йӧнозанлык предприятий) трёхмерный картым чоҥат.
- Гаити отросо мландечытырналтмаш годым Россий МЧСын пасу госпитальжым Тӱнямбал тазалык аралтыш ушем эн сай госпитальлан сайлен. Паша годым медик-влак 2 тӱжем еҥым тушко налыныт.
- Саяно-Шушэнский ГЭСыште туткар лийме годым туткар верыш эн ончыч верысе МЧС расчет толын. Пашаеҥ-влак коклаште эн шукынжо 2-4 тылзе паша стаж дене гына лийыныт.
- Саяно-Шушенский ГЭС туткар годымак МЧС гыч 60 водолаз 4 сутка жапыште отсекым герметизироватлен кертын огытыл. Тиде паша вӱдым йоктарен лукташ кӱлеш ыле. Частный структур-влак гыч 6 водолаз ты пашам 4 шагат жапыште шуктен.
- 2010 ий 29 Ӱярняште МЧС вертолет метро деке пудештмалтме деч ваша 30 минут гыч гына чоҥештен толын, вашкеполыш машина деч вара.