Гимнастике
Гимнастике — ик эн чӱчкыдын вашлиялтше спорт тӱрлык. Спортгимнастикыште калык-влак кокласе турнирлаште 14 медаль комплектым пуат. Олимпиадын программыште 1896 ий гыч.
Эр зарядкым ыштымаш, школышто, пашаште физкультминуткым эртарымаш — тидат шке шотан гимнастике. Тиде тазалыкым пойдарыше гимнастике. А спортгимнастике ныл ужашлан шелалтеш:
- художественный
- акробатик гимнастике
- команде гимнастике
- спортгимнастике.
Мутшо мемнан деке Акрет Греций гыч толын. (грек. "gymnazo" — "ямдылем"; але акр. грек йылмысе "gymnos" — "чара" деч.) Пӧръеҥ-влак ондак вургем деч посна таҥасеныт.
Художественный гимнастике
[тӧрлаташ | кодым тӧрлаташ]Тыште турлӧ упражненийым сем почеш ышташ кӱлеш. Спортсменке-влак обруч, мече, булава дене лектын кертыт. Ондак гимнастке-влак шке моштымашыштым фортепиано сем почеш ончыктеныт, кызыт оркестр йӱкым фонограмме дене колтат. Но кажне упражненийым ончыкташлан 1,5 минут деч шукырак огыт пу. Пытартыш жап марте художественный гимнастике дене ӱдыр-влак гына таҥасеныт, но XX-шо курым гыч японийысе гимнаст-влакын тыршымышт деч вара ынде пӧръеҥ-влакат художественный гимнастикыште шуаралташ тӱҥалыныт.
Команде гимнастике
[тӧрлаташ | кодым тӧрлаташ]Скандинавийыште шочын. Спортсмен-влак эрыкан упраженийым ыштат, изи батутышто пырля тӧрштылыт, акробатик моштымашыштым ончыктат.