Хамеев, Вильсур Эдуардович

Вильсур Хамеев
Вильсур Эдуардович Хамеев
Файл:Вильсур Хамеев.jpg
Шочмаш дене лӱм	Вильсор Эдуардович Хамеев
Шочын	1950 ий 30 сӱрем(1950-07-30) (74 ий)
Йоча-влак	Вилена ӱдыр ден Роман эрге
Чап пӧлек да премий	Марий Эл Республикын Калык артистше

Вильсур (Вильсор) Эдуардович Хамеев (30 Сӱрем 1950 ий, Иваново вел) — Совет Ушем да Россий кӱкшытысӧ продюсер, мурызо, актер, Марий Эл Республикын Калык артистше.

Ӱмыргорно

Совет Ушемын Иваново велыштыже 30 Сӱрем 1950 ийыште шочын. Аваже — Нэсимэ Гэдершиновна Хамеева, туныктышо, Марий АССРын Параньга районыштыжо шочын.

Елеевысе школым 17 годымжо тунем пытарымеке, Вильсур Хамеев артист лияш шонен пыштен. 1967 ийыште И.С. Палантай лӱмеш тӱвыра да сымыктыш училищыш вокал пӧлкаш тунемаш пурен. 1968-1970 ийлаште Совет Армий радамыште службым эртен, службо деч вара гына училищым пытарен.

Сем училищыште тунемме жапыште Кугыжаныш музык театрыште (кызыт - Э.Сапаев лӱмеш опер да балет театр) пашам ышташ тӱҥалеш. Ончыч хор артистлан, 1972 ий гыч - актерлан (солист-вокалистлан). 1983 гыч 1988 ий марте Ижевск олаште Удмуртийын Кугыжаныш музык театрыштыже солист-вокалистлан ышта.

1988 ийыште угыч Йошкар-Олашке актерлан театрыш ышташ пӧртылеш. ты жапыштак 1989 ий гыч театр директорын алмаштышыжлан пашам ышта. 1990 ийыште Одессысе коммерц школын шоу-бизнес пашаш шотышто пӧлкам тунем пытара. 1991 ийыште Тӱвыра да сымыктыш училищым "Массовый представленийын режиссурыжо" пӧлкам тунем пытара. Марий Эл Республикын кугыжаныш музык театрын гастрольжым Киевыште (1991 ий) да Минскыште (1992 ий) эртарен. 1993 ийыште "Какшан" группым чоҥен. 1995 ийыште "Полярная звезда" группым пога. 1998 ий гыч Я. Эшпай лӱмеш Марий кугыжаныш филармонийыш директорын алмаштышыжлан пашам ышташ кусна. 2003 ийыште «Ди-Ди» группым чумыра, 2006 ийыште - «МариStar» марла йоҥгалтарыше группым.

Усталык паша

30 ий наре артист кугыжаныш музык театрыште пашам ыштен. Н. Арбанын «Кеҥеж йӱд» пьесыже почеш шындыме икымше марий опперетыште Одокимын рольжым устан чоҥымыж дене ойыртемалтын. Кызыт Вильсур Эдуардович Марий кугыжаныш филармоний вуйлатышын алмаштышыже сомылым шуктен шога. Ятыр муро проектын авторжо. Тудынак чумырымо «Полярная Звезда» группо Россий кӱкшытыштӧ чапым сулен.

Файл:Марка кум да Одоким2.jpg

Марка кумын рольжым Виктор Бурлаков модеш, Одокимын рольжым - Вильсур Хамеев. "Кеҥеж йӱд" спектакль.

Еш илыш

Пелашыже – Людмила Александровна.

• Эргыже – Роман, 1981 ийыште шочын, Екатерина пелашым шкаланже муын.
• Ӱдыржӧ – Вилена 1986 ийыште шочын, Валерий пелшыж дене илат.

Спектакльлаште модмо рольжо (1971 - 2004 ийлаште)

1. Ю.Милютин «Поцелуй Чаниты» — 1. Студент Диего, 2.Сержант полиции.
2. И.Штраус «Летучая мышь» — Тюрьман дежурныйже
3. Ф.Легар «Цыганская любовь» — 1. Золтан Дмитриану, 2. Тивадор Петеш.
4. Ф.Легар «Весёлая вдова» — 1. Рауль де Бриош, 2. Никош.
5. Ф.Легар «Фраскита» — Ипполит.
6. И.Кальман «Марица» — Пенижек.
7. И.Кальман «Баядера» — Бужеваль.
8. И.Кальман «Сильва» — 1. Генерал, 2. Нотариус Кисси.
9. Ф.Лоу «Моя прекрасная леди» — Гарри.
10. И.Штраус «Цыганский барон» — Управляющий.
11. И.Штраус «Король вальса» — Ганс.
12. К.Листов «Севастопольский вальс» — Толя.
13. В.Щербаков «Табачный капитан» — 1. Стрешнёв, 2. Комендант порта.
14. А.Александров «Свадьба в Малиновке» — 1. Петя красноармеец, 2. Яшка артиллерист.
15. Е.Птичкин «Бабий бунт» — Федот.
16. В.Баснер «Требуется героиня» — Сергей.
17. О.Фельцман «Здравствуйте, я ваша тётя!» — Брассет.
18. А.Колкер «Старое танго» — Вадим Петрович.
19. Г.Гладков «Женитьба гусара» — Гусар Стрелков.
20. О.Фельцман «Хозяйка Рая» — Врач.
21. В.Казенин «Дядюшкин сон» — Серж.
22. В.Дмитриев «Долгожитель» — Забелин.
23. Р.Гаджиев «Кавказская племянница» — Буба.
24. А.Кремер «Герцогиня Лефевр» — Генерал Фуко.
25. Х.Плиев «Муж моей жены» — Эльбрус.
26. «Елена прекрасная» — Ахилл.
27. «В поисках невест» — Борис.
28. «Восемнадцать лет» — Серёжа.
29. «Мадемуазель Нитуш» (Небесные ласточки) — Помреж.
30. В.Корепанов-Камский «Заговор» — Судья.
31. А.Эшпай «Нет меня счастливей» — Студент.
32. Н.Арбан «Кенеж йуд» (Летняя ночь) — Одоким.
33. Э.Сапаев «Акпатыр» — Карт.
34. И.Молотов «Элнет» — Повстанец.
35. «Приключения Игната – бравого солдата» — Игнат – бравый солдат.
36. «Приключения кота в сапогах» — Людоед.
37. «Ох, уж этот царь Горох» — Царь Горох.
38. «Бременские музыканты» — Кот.
39. «Белоснежка и семь гномов» — Гном Среда.
40. «В стране Мульти-Пульти» — 1. Волк, 2. Балбес, 3. Пират.

Продюсер паша

1993 ий – «Какшан» группым чоҥен. 1995 ий – «Полярная звезда» группым чоҥен. 2003 ий – «Ди-Ди» группым чоҥен. 2006 ий – «МариStar» группым чоҥен.

Дискографий

Лукмо ий	Проект/Артист	Диск лӱм	Лукмо вер
1993	Вильсур Хамеев	“Какшан”	Йошкар-Ола
1994	Вильсур Хамеев	“Сарман”	Йошкар-Ола
1997	«Полярная звезда» группа	«Ты такая нежная»	Казань
2000	«Полярная звезда» группа	«Жду тебя»	Москва
2002	«Полярная звезда» группа	«После капризного дождя»	Москва
2002	Вильсур Хамеев	«Авамлан»	Казань
2002	Вильсур Хамеев	«Яшлек сукмаклары» (Тропою юности)	Казань
2003	Вильсур Хамеев	«100 марий такмак»	Казань
2005	«Полярная звезда» группа	«Раз! Два! Три!»	Москва
2010	Вильсур Хамеев	«120 марий такмак»	Казань

Чап пӧлек да чап лӱм-влак

1989 ий – Марий ССР тӱвыра Министрствын Чап таныкше. 1990 ий – Марий ССР Виктерын Чап таныкше. 1992 ий – «Марий Эл Республикын сулло артистше». 2005 ий – РоссийФедераций тӱвыра Министерствын Чап танкыше. 2006 ий – «Марий Эл Республикын Калык артистше» чап лӱм. 2010 ий – Татарстан Республик тӱвыра министерствын Чап таныкше. 2010 ий – Марий Эл Республик Кугыжаныш Погынын Чап таныкше. 2010 ий – Марий Эл Республик Президентын Таумут серышыже.

Негыз

• Биографический справочник «Кто есть кто в Марий Эл». г.Йошкар-Ола. 2002 г.
• Марийская биографическая энциклопедия. г.Йошкар-Ола. 2007 г.
• Энциклопедический словарь «Вся Россия». г.Москва. 2009 г.

Кылвер-влак

• Сымыктышын ик эн волгыдо да патыр шудыржо. Кугарня жаплышташ
• «Вконтакте» сайтыште Вильсур Хамеевын лаштыкше.
• «Вконтакте» сайтыште «Полярная звезда» группын лаштыкше.
• «Вконтакте» сайтыште «Ди-Ди» группын лаштыкше.
• - «Вконтакте» сайтыште МариStar» группын лаштыкше.