Евстифеев, Александр Александрович
| Александр Александрович Евстифеев | |
|---|---|
 2017 ий 6 вӱдшор. | |
| Шочын | 1958 ий 14 ага (66 ий) |
| Шочмо вер | СССР, РСФСР, Челябинск вел, Бреды посёлко |
| Колен | 2024 ий 9 Идым (66 ий) |
| Эл | |
| Тыршымаш алан | политик, государственный деятель |
| Йоча-влак | Артур, Александр |
| Чап пӧлек да премий |
|
 Медиафайлы на Викискладе | |
Александр Александрович Евстифеев (1958 ага 14, СССР, РСФСР, Челябинск вел, Бреды посёлко) — российыйсе кугыжаныш пашаеҥ, Россий Федерацийын сулло юристше (2001), Марий Эл Республик Вуйлатышын пашажым жаплан шуктышо (2017 ий вӱдшор тылзын 6-шо кечыже гыч), Марий Эл Республик Вуйлатыше (2017 ий идым тылзын 21-ше кечыже гыч — 2022 ий ага тылзын 10-шо кечыже[1]).
Илыш корно
[тӧрлаташ | кодым тӧрлаташ]Александр Александрович Евстифеев 1958 ий ага тылзын 14-ше кечынже Челябинск вел Бреды поселкышто шочын. Ачаже Совет Ушем Кугыжаныш банкыште инкассаторлан ыштен, аваже — медшӱжарлан. Школым пытарыме деч вара Челябинск велысе автомобильный корно управленийыште тыглай пашазылан тыршаш тӱҥалын.
1980 ийыште Свердловскысо юридический институтым (кызыт — Урал кугыжаныш юридический университет) пытарен, 1984 ийыште — аспирантурым, «Право авторства в сфере отношений изобретательского творчества» темылан диссертацийым арален. 1999 ийыште Урал кугыжаныш юридический академийыште «Становление российского патентного права» темылан диссертацийым арален. Юриспруденций шанче доктор. 2004 ийыште Россий Федераций Виктер пеленсе Финанс академийым отличий дене тунемын пытарен (квалификаций — экономист, «Финанс-влак да кредит» специализаций.
1980-2000 ийлаште Сведловскысо юридический институтышто граждан праван кафедрын преподавательже, доцентше, профессоржылан тыршен, следственный факультетын деканжылан, Урал кугыжаныш юридический академийын Юстиций Институтын директоржылан шоген.
2000-2002 ийлаште Юлсер федерал йырвелыште Россий президентын полномочный представительжын алмаштышыжлан ыштен, Россий Федерацийын 15 субъектыштыже тӧртык-влакым Россий Конституций да федерал законодательстве деке шотыш кондымо пашам вуйлатен.
2002 ий шорыкйол тылзе гыч 2004 ий шорыкйол тылзе марте Федераций Каҥашыште Ямал-Ненец Автоном йырвел администраций деч йыжъеҥ лийын.
2004-2012 ийлаште Индешымше арбитражный аппеляционный судын председательже лийын, Моско оласе Арбитражный судын судебный актше-влакым терген, судья-влакын кӱшыл квалификационный коллегийыштын вуйлатышын алмаштышыже лийын.
Саратовысо кугыжаныш юридический академийын международный частный право кафедрын профессоржо лийын.
2014 ий шорыкйол тылзын 30 кечынже Россий Федераций Президентын Кӱштыкшӧ почеш Александр Евстифеевым Моско областьысе Арбитражный судын председательжылан шогалтыме.
Россий Федерацийын 2-шо классан чын кугыжаныш советникше улеш, Россий Федерацийын сулло юристше.
50 наре шанче пашан да книган авторжо, нунын коклаште: «Гражданско-правовое регулирование в сфере технического творчества» (1985), Эволюция категории «предмет гражданско-правового регулирования» (1992); «Основные категории российского патентного права».
2022 ий ага тылзын 10-шо кечынже Александр Евстифеевын кумылжым шотыш налын, тудым отставкыш колтеныт.
Парыш
[тӧрлаташ | кодым тӧрлаташ]2016 ийыште декларироватлыме доходын кугытшо 3 млн 817 тӱжем теҥге лийын, пелашыжын — 522 тӱжем теҥге. 2017 ийыште — 6 млн 160 тӱжем теҥге лийын, пелашыжын — 548 тӱжем теҥге. 2018 ийыште — 4 млн 429 тӱжем теҥге лийын, пелашыжын — 470 тӱжем теҥге. 2019 ийыште — 40,2 млн теҥге, 2020 ийыште — 84,7 млн. 2021 ийыште — 5,3 млн теҥге лийын, пелашыжын — 1,9 тӱжем теҥге.
Еш
[тӧрлаташ | кодым тӧрлаташ]Пелашан, кок шочшыжо уло. Ватыже — Юлия, юридический институтым пытарен. Эргыже-влак Москваште илат. Кугуракше — Артём, Москосо юридический академийым тунемын пытарен, спецпрокурорын полышкалышыжлан ышта, изиракше — Александр, МГУ-со юрфакын студентше улеш.
Марий Эл Республик Вуйлатышын пашажым жаплан шуктышо
[тӧрлаташ | кодым тӧрлаташ]2017 ий вӱдшор тылзын 6-шо кечынже Россий Президентын Кӱштыкшӧ почеш Александр Евстифеевым Марий Эл Республикын Вуйлатышыжын пашажым жаплан шуктышылан шогалтыме. Александр Александрович Евстифеев 2017 ий ага тылзын 19-ше кечынже Марий Эл Вуйлатышым сайлымашышке ушнаш кумылжо лекмыж нерген увертарен.
Пеледыш тылзын 13-шо кечынже 2017 ийыште «Единая Россия» партий праймериз почеш А. А. Евстифеевым кандидатлан ойырен.
2017 ий пеледыш тылзын 22-шо кечынже КПРФ партийын республикысе пӧлкан конференцийыштыже пунчалмутым луктын: КПРФ партий деч кандидатым ойыраш огыл, тидын олмеш Марий Эл Республик Вуйлатышын пашажым жаплан шуктышо Александр Евстифеевлан шке поддержкым пуаш.
2017 ий идым тылзын 10-шо кечыже гыч эртыше Марий Эл Республик Вуйлатышым сайлымашыште Александр Александрович Евстифеев, 88,27 процент йӱкым поген шуктымеке, сеҥышыш лектын.
Чап
[тӧрлаташ | кодым тӧрлаташ]
Российысе Чап орден (2007).
Анатолий Кониын медальже (2001).- Россий Федерацийын 2-шо классан чын кугыжаныш советникше (2001).
- Россий Федерацийын сулло юристше (2001)
- РФ Президентын Таумутшо (2003, 2006).
.jpg){kind=small}