18 теле

18 теле (18 декабрь) — григориан кечышот почеш идалыкын 352-шо (кужемдыме ийлаште — 353-шо) кечыже. Идалык пытыме марте 13 кече кодеш.

Пайрем да памятный дате-влак

• Араб йылме кече.
• Мигрант кече.

• Катар — Калык кече.
• Нигер — Республик кече.

• Молдавий — Полиций кече.
• Россий — ЗАГС пашаеҥ-влакын пайремышт

Лӱмгече

• Танле лӱм-влак: Анастасий, Гурий, Захар, Карион, Нектарий, Савва, Даниил.

Событий-влак

Тугак ончо: Категорий:Теле тылзын 18 кечысе событий-влак

• 1876 ий — Санкт-Петербург олаште икымше политике митинг эртен.
• 1994 ий — Франций гыч спелеолог Жан Мари Шове открытийым ыштен: у пещерым муын – тиде пещерын пырдыжыштыже тошто калыкын сÿретышт аралалт кодыныт.
• 2004 ий — Пекин олаште «Пластик операцийын миссше» лÿман икымше тÿнямбал моторлык конкурс мучашлалтын.

Шочыныт

Тугак ончо: Категорий:Теле тылзын 18 кечынже шочшо-влак

• 1919 ий — Ихонькин, Григорий Иванович, Кугу Ачаэл сарын геройжо. Курыкмарий кундемыште шочын. Сар тӱҥалме икымше кечынак тудо тушман ваштареш кредалаш тӱҥалын. 1943-шо ийыште Григорий Иванович Смоленск областьыште, ик ялыште 80 еҥым колымаш деч утарен. Берлин дек лишемме годым кок тӱжем наре миным муын. Шочмо кундемыш пӧртылмеке, «Правда» колхозышто тыршен. Григорий Иванович «Йошкар Шӱдыр», «Йошкар Знамя», «Знак Почета» орден-влак дене палемдалтын.
• 1928 ий — Катков, Николай Семенович, ялозанлык пашаеҥ, Россий Федерацийын сулло экономистше. Тудо Озаҥ оласе ялозанлык институтын ректоржылан тыршен, а 1990-ше ий гыч Марий кугыжаныш университетыште туныктышылан пашам ышташ тӱҥалын. Николай Семенович 120 наре шанче пашан, 10 монографийын авторжо. 1976-шо ийыште Йошкар Знамян Паша Орден дене палемдалтын. Экономик шанче кандидат.
• 1938 ий — Емельянов, Александр Сергеевич, пашазе, Россий Федерацийын сулло механизаторжо, Кужэҥер кундем Руш-Шой селаште шочын. 1963-1999-ше ийлаште «Советский» совхозын механизаторжылан тыршен. «Знак Почета», «Паша чап» 3-шо степенян орден-влак дене палемдалтын.
• 1955 ий — Васютина, Любовь Владимировна, библиотекарь-библиограф, Марий Эл Республикысе тӱвыран сулло пашаеҥже. Тудын паша корныжо Чавайн лӱмеш книгагудо дене кылдалтын. Михаил Васютинын пелашыже.
• 1960 ий — Ключников-Палантай лӱмеш Кокшамар школын туныктышыжо Алевтина Андреевна Кондратьеван шочмо кечыже. (1960). Россий Федерацийын образованийын почетан пашаеҥже.
• 1969 ий — Исакова, Светлана Юрьевна, спортъеҥ. Йошкар-Олаште шочын. Тудо кугу кылым ийымаш да куржталмаш спорт дене куча. Совет Ушем чемпионка лӱмым латик гана, Россий Федераций чемпионка лӱмым кандаш гана налын. Светлана Юрьевна Марий кундем гыч Олимпиадышке икымше миен, эстафетыште куржталме дене 5-ше верым налын. Тыгак Европысо чемпионатлаште ятыр гана шке вийжым терген. Кызыт Светлана Юрьевна Рига олаште ила, тренерлан пашам ышта. Совет Ушем спорт мастер.

Коленыт

Тугак ончо: Категорий:Теле тылзын 18 кечынже колышо-влак

Калык пале

Савван кечыже.

• Шнуй Савва теле корным пеҥгыдыракым ышта, сандене ты кечын лÿдде имне тер дене мÿндыр корныш тарваненыт.
• Имне оза-влаклан ты кечын шагалрак мутланыман улмаш.

	18 теле Викиклатыште?