13 Кылме

Википедий — эрыкан энциклопедий гыч материал
Кылме
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2014 ий

13 Кылмегригориан кечышот почеш идалыкын 317-ше (кужемдыме ийлаште 318) кечыже. Идалык пытыме марте 48 кече кодеш.

Пайрем-влак[тӧрлаташ]

  • Россий Федерацийын Сарзе вийысе радиаций, химий да биологий аралалтмаш войскан кечыже палемдалтеш.
  • Сокыр-влакын тӱнямбал кечышт.

Лӱмгече[тӧрлаташ]

Кылме тылзын латкумшо кечынже Йыван, Никодим, Всеволод, Герман, Кузьма, Роман, Степан, Артемий, Николай да Станислав – влакын лӱм кечышт.

Мо лийын[тӧрлаташ]

Тыгак ончо: Категорий:13 Кылме Мо лийын

  • 1758 ий — Сеченов лÿмеш икымше медицин институтым почмо.
  • 1872 ий — Лев Николаевич Толстойын чумырымо «Азбука» книгаже ош тÿням ужын.
  • 1921 ий — Евгений Вахтангов лÿмеш кугыжаныш театрым почмо.

Кӧ шочын[тӧрлаташ]

Тыгак ончо: Категорий:13 Кылме Кӧ шочын

  • 1931 ий — Римма Арсентьевна Руссина, Марий республикын калык артисткыже. Оршанка кундем Тошто крешын ялыште кресаньык ешеш шочын. 1945-ше ийыште шымияш школым тунемын пытарымеке, фельдер-акушер школышко тунемаш пурен. Окса чӱдылыклан кӧра, тунеммашым кодаш логалын. 1949-ше ий гыч 1954-ше ийыште Ленинградыште Островский лӱмеш театр институтысо марий студийыште тунемын. Шинчымашым погымеке, Шкетан лӱмеш кугыжаныш театрышке пашам ышташ толын. Икымше рольжо «Тумер ялын мурыжо» комедийыште Люба лийын. А «Корнывожышто» спектальыште Павлинам модмыжо годым, режиссер-влак тудым талантан актриса семын акленыт. «Мӱкш отарыште» Клавийын рольжым моткоч устан модын. 35 ий тыршыме жапыште 100 утла рольым чоҥен: кӧргӧ виян ӱдырамашымат, начар койышанымат, лӱдшымат, мыскарачымат.
  • 1950 ий — Сергей Станиславович Костров, кугыжаныш пашаеҥ. Йошкар-Олаште шочын. Ончычсо паша корныжо тӱрлӧ ушемла дене кылдалтын. 1995-1998-ше ийлаште Марий Эл виктер вуйлатышын службыштыжо пашам ыштен. А 2001-ше ий гыч Марий Эл виктер вуйлатышын икымше алмаштышыжын службыштыжо тыршаш тӱҥалын.
  • 1971 ий — Сергей Геннадьевич Игнатьев, спортсмен. Юлсер олаште шочын-кушкын. 14 ияш годымжак тудо дзюдо деке кумылаҥын. Юниор-влак кокласе таҥасымаште Совет Ушем чемпион лӱмым сулен. Россий чемпионатын той призёржо. Сумо дене Российын икымше чемпионжо. Спорт мастер.

Кӧ колен[тӧрлаташ]

Тыгак ончо: Категорий:13 Кылме Кӧ колен

Калык пале[тӧрлаташ]

Спиридон да Никодим-влакын пайремышт. Тиде кечын чывым руалыныт: тÿрлö кочкышым ямдыленыт. Сонарзе-влак гын ешыштым мераҥ шыл дене сийленыт.