Смоликов, Александр Фадеевич
| Александр Фадеевич Смоликов | |
|---|---|
| Александр Смоликов | |
| Шочмаш дене лӱм | Александр Фадеевич Смоликов |
| Шочын | 1937 ий 2 теле (86 ий) |
| Шочмо вер | РСФСР, Калинин вел, Нелидовский кундем, Селезенкино ял |
| Тыршымаш алан | серызе, почеламутчо |
Александр Смоликов (Александр Фадеевич Смоликов) (1937 теле 2, РСФСР, Калинин вел, Нелидовский кундем, Селезенкино ял) — руш серызе, почеламутчо, Россий Серызе-влак ушемын йыжъеҥже (1982).
Илыш корныжо
[тӧрлаташ | кодым тӧрлаташ]Александр Смоликов 1937 ийын теле тылзын 2-шо кечынже Калинин вел Нелидовский кундем Селезенкино ялеш кресаньык ешеш шочын. Шымияш школым пытарымек, ялысе клубым вуйлатен, шахтыште вагоным пижыктышылан да мотористлан ыштен, стадионысо пашазе лийын. Кыдалаш шинчымашым кастене тунемме школышто налын. 1962 ийыште Москосо А.М. Горький лӱмеш Литературный институтыш пурен. Моско областьысе Загорскысо электромеханический заводышто ыштен.
1969 ийыште А. Смоликов Йошкар-Олаш куснен. Пожар аралтыш инструктор лийын. 1971 ий гыч Марий книга издательствыште сылнымутан литератур редакторлан ышташ тӱҥалын. Возаш изиж годымак тӱҥалын. Почеламутшо-влак областьысе газетлаште, «Московский рабочий» издательствын лукмо «Литературное эхо», «У истоков великих рек» тӱшка сборниклаште, Йошкар-Оласе идалык еда лекше «Дружба» альманахыште савыкталтыныт. Поэтын возымаштыже тӱҥ верым паша, Шочмо Эл, йӧратымаш теме налеш. Тидын нерген «Утро тополиное» икымше книгашкыже пурышо почеламут-влак ойлат. «Ветка ивы» лӱман вес книгашкыже почеламут, поэме, муро текст-влак пурталтыныт.
А. Смоликов тыгак йоча-влакланат возен («Завод-мореход»). Кусарыме пашам шуктен. Рушлашке С. Вишневскийын, М. Емельяновын, В. Сапаевын, А. Мичурин-Азмекейын почеламут ден ойлымашыштым кусарен. Тудын кусарымыже да тӧрлатымыже дене «Сказки лесов» марий калык йомак-влак книга кок гана савыкталтын (1978, 1981).
1990 ийлаште А. Смоликов республик гыч каен.
СССР Писатель ушемыш А. Смоликовым 1982 ийыште пуртеныт.
Тӱҥ произведенийже-влак
[тӧрлаташ | кодым тӧрлаташ]- Утро тополиное : стихи. Йошкар-Ола, 1973. 80 с.
- Блажен, кто молча был поэт! ; Тревога : стихи // Дружба. Йошкар-Ола, 1978. С. 78—79.
- Утренний концерт ; Ну и взыгралась вьюга... ; Я постучал — открыла ты... : стихи // Дружба. Йошкар-Ола, 1979. С. 101—104.
- Ветка ивы : стихи, песни, поэмы. Йошкар-Ола, 1980. 128 с.
- Завод-мореход: стихи для дошк. возраста. Йошкар-Ола, 1981. 12 с.
- Здесь любовь моя : стихи, поэма. Йошкар-Ола, 1989. 128 с.
Марлаш кусарыме
[тӧрлаташ | кодым тӧрлаташ]- Каныш годым : «Куяр корно» цикл гыч : почеламут / пер. В. Исенекова // Ончыко. 1972. № 1. С. 90—91.
- Моктаныде; Пеледыш пайремыште : почеламут-вл. // Ончыко. 1977. № 1. С. 84—85.
Илышыже да творчествыже нерген литератур
[тӧрлаташ | кодым тӧрлаташ]- Бочков В. Тропинка в утреннюю свежесть // Мар. правда. 1974. 26 марта.
- Панов В Жажда любить // Мол. коммунист. 1974. 12 марта.
- Смоленцев М. Простота и сдержанность // Молодой коммунист. 1974. 12 марта.
- Липатов А. Родной отчизне песня // Мар. правда. 1980. 25 дек.
- Писатели Марийской АССР : биобиблиогр. справочник. Йошкар-Ола, 1988. С. 262—264.
- МБЭ. Йошкар-Ола, 2007. С. 337.