Армрестлинг

Таҥасат

Армспорт (Армрестлинг) спорткучедалмаш-влак радамыш пура. Олимпиадын программышкыж пуртымо огыл. Армрестлингым тыгеак эше ристрестлинг лӱмдат. Марий йылмыш "кидвурго дене кучедалмаш" семын кусаралтеш.

Эртымгорно

Моткоч шукертак тиде таҥасымаш шочын, а 1960-шо ийлаште Америкыште угыч шыҥдаралташ тӱҥалын. 90-ше ийылаште Российыштат шарлен. 1989 ийыште Совет Ушем-АУШ-Канаде кугыжаныш-влакын командышт вашлийыныт. Тунам мемнан чыла спортсмен-влакна сеҥалтыныт. Иктешлымашым чын ыштеныт, да тиддеч вара российысе-спортсмен-влак сеҥаш тӱҥалыныт. Европо кӱкшытысӧ, тӱнямбалсе таҥасымашлаште сай вер дене ойыртемалтмыжлан Россий кызытат ончылно ошкылеш.

Таҥасымаш нерген

Армрестлинг спортсмен-влак верыште шинчат, шуко огыт тарваныл да санде южо шоналтат: «Нимо нелыже уке, кид виян лийже веле». Палыман: таҥасыме годым спортсменын вӱршерже 200 тӱкалтымаш марте кӱза. Тыгеак сусыргымаш лийын кертеш.

Спортсмен сусырген. Рентген фотосӱрет

Южгунам тавалыше-влак кидыштым колтат. Профессионал таҥасымашште тыгайын икымше гана лийымыж деч вара спортсмен-влакын кидыштым ӱштӧ дене кылдат.

Правиле почеш эн спортсменын кӱчыжӧ пӱчмӧ лийышаш. Ӱстелыште ыштыме кылым киде дене кучаш лиеш. Тыгеак спортсменын лӱмжым каласеныт, таҥасымашшке лекташ ӱжыныт, да кок минут жапыште тудо лектын ок шукто гын – сеҥалтше-влак радамыш логалеш.

Ойкаҥаш

1. Таҥасымаш тӱҥалме деч вара киддам шке велышкыда шупышлаш кӱлеш, вара иже тавалышын кидшым темдплаш.
2. Кид копадам шеҥгеке пӱгыртет гын кид шер денет тавалышым сеҥаш икмыняр пачаш шукырак лиеш.
3. Але кече коштмо ваштареш кидет дене тавалышын кидшым пӱтыралаш тырше – тавалышын темдыме куатше йомеш.