20 идым

20 идым (20 сентябрь) — григориан кечышот почеш идалыкын 263-шо (кужемдыме ийлаште — 264-ше) кечыже. Идалык пытыме марте 102 кече кодеш.

Пайрем да памятный дате-влак

• Кечывалвел Корей — Тауштымо кече.
• Кечывалвел Осетий — Эрык кече.
• Японий — Юж кече.
• Белоруссий — Таможенник кече
• Белоруссий, Казахстан, Киргизий, Россий, Украина — Рекрутерын кечыже. Рекрутер-влак паша верыш кӧм налаш, кӧм уке рашемдат, кӱлеш еҥым кычалыт.

Лӱмгече

• Идым тылзын колымшо кечынже Иван да Макар–влакын лумгечышт.

Событий-влак

Тугак ончо: Категорий:Идым тылзын 20 кечысе событий-влак

Шочыныт

Тугак ончо: Категорий:Идым тылзын 20 кечынже шочшо-влак

• 1932 — Илья Караев, марий серызе, почеламутчо, кусарыше, Россий Серызе-влак ушемын йыжъеҥже (2006), Пошкырт Элысе Яныш Ялкайн лӱмеш премийын лауреатше.
• 1940 — Юрий Иванович Рязанцев, актёр, режиссёр да почеламутчо. Марий Элын калык артистше, Кугыжаныш премийын лауреатше. Тудо Поранча кундем Изи Пумарий почиҥга ялыште шочын-кушкын. Тудын паша корныжо М. Шкетан лӱмеш Марий калыкле драме театр дене кылдалтын. Сылнымут тӱняштат тудо кугу чапым сулен: «Шогем курым корнывожышто» сборникше 1987-ше ийыште тӱням ужын.
• 1940 — Андрей Иосифович Горинов, журналист, почеламутчо. Тудо гын Кужэҥер кундем Лажмучаш ял гыч. Тудын паша корныжо телерадиокомитет да «Марий коммуна» газет редакций дене кылдалтын. Андрей Иосифовичат Марий сылнымут тӱнялан шуко почеламутым пӧлеклен.
• 1933 — Пётр Алексеевич Соколов, шанче да туныктыш пашаеҥ, Россий Федерацийын сулло шанче пашаеҥже. Одо Эл Воткинск олаште шочын. Ончычсо паша корныжо Марий политехник институт дене кылдалтын, а вара Марий кугыжаныш университетышке вончен: 3 ий ректоржат лийын. Умбакыже уэш политехник институтыш пӧртылын – чодыра озанлык кафедрын вуйлатышыже лийын. 120 утла шанче пашан авторжо, ятыр шанче пашаже Австралийыште, Германийыште, Италийыште, Кугу Британийыште савыкталтын. Кугыжаныш пашаштат кугу пагалымашым сулен: Марий республикысе кӱшыл погынын депутатше лийын. Марий Республикысе техникын да шанчын сулло пашаеҥже.
• 1938 — Леонид Егорович Митькин, Марий республикысе капкультурын сулло пашаеҥже, Марий Элын сулло тренерже. Москосо капкультур институтым тунем лекмек Йошкар-Олашке толын да школышто куштылго атлетика дене тренерлан тыршаш тӱналын. Тудын тунемшыже-влак кокла гыч ятырынже спорт мастер лӱмымат суленыт. Леонид Егорович 25 ий Марий республикысе куштылго атлетик федерацийын вуйлатышыже лийын.
• 1943 — Геннадий Петрович Александров, озанлык пашаеҥ, Россий Федерацийын сулло чоҥышыжо. Чуваш республик Цивильск олаште шочын-кушкын. Паша корныжо тӱҥ шотышто «Маригражданстрой» ушем дене кылдалтын: 1985-ше ий гыч ты ушемын вуйлатышыжлан тыршаш тӱналын. Кугыжаныш погынын депутатше.
• 1985 — Татьяна Ивановна Ямбердова, семлызе. Йошкар-Олаште шочын. Иван Ямбердов сӱретчын ӱдыржӧ. Творчество шӱлышан самырык ӱдыр ковыж дене устан шокта. Санян Вачи-н почеламутшо негызеш икмыняр мурылан семым возен.

Коленыт

Тугак ончо: Категорий:Идым тылзын 20 кечынже колышо-влак

• 1519 — Фернан Магеллан черетан путешествийыш лектын.
• 1802 — Александр Икымше кугыжа чыла коллегий-влакым министерствыш савырыме нерген кӱштыкым луктын.
• 1862 — Российыште икымше консерваторийым почмо.
• 1946 — икымше Каннский кинофестиваль эртен.

Калык пале

• Лукан кечыже. Посна тӱткышым тиде кечын шоганлан ойыреныт. Шоган вартыш дене ӱдыр-влак вуйыштым мушкыныт. Вольык чӱчкыдын черлана гын, тиде кечын тудын шӱйышкыжӧ шоган дене ыштыме шерым чиктеныт.

	20 идым Викиклатыште?