14 шыжа: версий-влак коклаште ойыртем

Википедий — эрыкан энциклопедий гыч материал
Контентым кораҥдыме Контентым ешарыме
и Сергей Иванов переименовал страницу 14 Шыжа в 14 шыжа поверх перенаправления
4 корно: 4 корно:


== Пайрем да памятный дате-влак ==
== Пайрем да памятный дате-влак ==
* Покро кече.
* [[Покро кече]].
* [[Файл:Earth flag PD.jpg|25px]] Тӱнямбал стандарт кече.
* [[Файл:Earth flag PD.jpg|25px]] Тӱнямбал стандарт кече.



09:44, 6 шыжа 2017 жаплан версий

шыжа
Шч Кш Вр Из Кг Шм Рш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
2024 ий

14 шыжа (14 октябрь) — григориан кечышот почеш идалыкын 287-ше (кужемдыме ийлаште — 288-ше) кечыже. Идалык пытыме марте 78 кече кодеш.

Пайрем да памятный дате-влак

Лӱмгече

Шыжа тылзын латнылымше кечынже Анания, Вера, Мария, Александр, Михаил, Пётр, Георгий, Роман, Николай–влакын лӱмгечышт.

Событий-влак

Тугак ончо: Категорий:Шыжа тылзын 14 кечысе событий-влак

  • 1843 — Мендельсонын сӱан маршыше икымше гана йоҥгалтын.
  • 1851 — «Рейтер» увер агентстве почылтын.
  • 1926 — Алан Милнын «Винни-Пух» книгаже ош тӱням ужын.

Шочыныт

Тугак ончо: Категорий:Шыжа тылзын 14 кечынже шочшо-влак

  • 1930 — Римма Васильевна Петрова, туныктышо да сылнымут пашаеҥ, Россий Федерацийысе школын сулло туныктышыжо. Шкеже тудо Кужэҥер кундем Саламатнур ялыште шочын-кушкын. Пашам Шернур кундемысе Кускин школышто ыштен: завуч, вуйлатышат лийын. Сылнымут тÿняштат Римма Васильевна изи огыл кÿкшытыш шуын: ойлымаш-влакым возен. Тунемшыже-влак уста педагогым кызытат порын шарнат.
  • 1954 — Юрий Захарович Петров, тазалык аралтыш пашаеҥ. Тудо Морко кундем Кугу Шоръялыште шочын-кушкын. Паша корныжо Россий Федерацийысе илышкыл страхований фондын Марий пӧлкаж дене кылдалтын. Эмлыме пашаштат Юрий Захарович кугу пагалымашым сулен. Мер сомылым шуктымаште гын, тудынат надырже изи огыл.
  • 1958 — Валентин Семёнович Губеев, Марий Эл республикын сулло тренерже. Пошкырт Элысе Мишкан кундем гыч. Кушыл шинчымашым Крупская лӱмеш марий кугыжаныш институтышто налын. Паша корныжо Звениговысо йоча да самырык спорт школышто тӱҥалын. Валентин Семеновичын тунемшыже-влак кокла гыч ятырынже спорт мастер лӱмымат суленыт.
  • 1967Светлана Дмитриевна Григорьева, журналист да сылнымутчо, Марий Эл тӱвыран сулло пашаеҥже, мурсем аланыште «Тукалтем мо окнатым?», «Йоча пагыт», «Шыма студенточка» да эше ятыр мурылан почеламутым возышо семын чапланен. Шернур кундем Йошкар-Памаш ялыште шочын. Ончыч «Ямде лий» газетын пашаеҥже лийын гын, кызыт «Ончыко» журнал редакцийыште тырша. Икмыняр жап «Кече» журналынат пашаеҥже лийын. Светлана Дмитриевна кугуеҥ-влаклан 2 почеламут ойпогым пӧлеклен, йоча-влаклан «Пырысиге мыр-мыр-мыр» да «Сото кандывуй» книгам чумырен. Тыгак Светлана мыланна кусарыше семын палыме. Тудо эстон йылме гыч 2 книгам кусарен. Тудын ятыр почеламутшылан композитор-влак сеемым келыштареныт.

Коленыт

Тугак ончо: Категорий:Шыжа тылзын 14 кечынже колышо-влак

Калык пале

  • Покро кечын ожно шуко сӱаным ыштеныт, кушкын шушо ӱдыр-влак Шнуй Юмынава деч марлан каяш йодын кумалыныт. Тиде кече деч вара ӱдырамаш-влак икте-весе дек унала коштыт, кидпашам ыштат.