Васильев, Леонид Михайлович

Википедий — эрыкан энциклопедий гыч материал
Леонид Михайлович Васильев
Леонид Васильев
Шочмаш дене лӱм Леонид Михайлович Васильев
Шочын 1947 ий 18 сорла(1947-08-18) (76 ий)
Шочмо вер РСФСР, Марий АССР, Йӱрнӧ кундем, Шогодолсола ял
Чап пӧлек да премий

Марий Эл Республик Виктерын Чапкагазше (2000), Россий Серызе-влак ушемын Чапкагазше (2003, 2007), Марий Эл Республик Кугыжаныш Погыннын Чапкагазше (2007), Марий Эл Республикын Тӱвыра, савыктыш да калык паша шотышто министерствын Чапкагазше (2007)

Леонид Васильев (Леонид Михайлович Васильев) (1947 сорла 18, РСФСР, Марий АССР, Йӱрнӧ кундем, Шогодолсола ял) — руш серызе, артист, охотовед, Россий Серызе-влак ушемын йыжъеҥже (1997).

Илыш корныжо[тӧрлаташ | кодым тӧрлаташ]

Леонид Васильев 1947 ийын сорла тылзын 18-ше кечынже Марий АССР Йӱрнӧ кундем Шогодолсола ялеш пашазе ешеш шочын. Карасъяр кандашияш школым пытарымек, пашам аҥысыр кумдыкан кӱртньыгорным чоҥымаште тӱҥалын, тыгак Балаково оласе химий комбинатыште ыштен. Совет Армийыште служитлыме деч вара шочмо ялысе клубым вуйлатен. 1974 ийыште Йошкар-Оласе Палантай лӱмеш музык училищын вокал пӧлкажым пытарен, Э. Сапаев лӱмеш опер да балет Марий театрын хорысо артистшылан ыштен.

1976 ийыште Л. Васильев илышыжым тура савыралеш, Курыкмарий коопзверопромхозышто егерь лиеш. Тидыжак сылнымутым возымашке шӱкалеш. Пӱртӱсын, тусо янлык ден кайыквусын илышыштым эскерымыж дене чоныштыжо шочмо кундем дене кугешнымаш ылыжын, йыр улшо тӱням утларак келгын да тичмашын палымыже шуын, тидым кагазышке пышташ кумылжо лектын. Филологийым шинчымашыже уке улмым умылен, Л. Васильев 1981 ийыште Озаҥысе В.И. Ленин лӱмеш кугыжаныш университетын журналистике пӧлкашкыже пура да тудым 1987 ийыште заочно пытара. Тунем лекмек, пенсийыш вончымешкыже, Юрино районысо Карасъяр лесхозышто охотоведлан пашам ышта.

Сылнымутым кӱлын возаш университетыште тунеммыж годым тӱҥалын. Рушла серен. Районысо да республикысе газетлаште шочмо вер-шӧрысӧ пӱртӱс нерген зарисовкылам, чодырам ормыжлын пытарыме нерген, колым, ир янлык ден кайыквусым браконьерла кучымо нерген статьялам савыктен. Прозаикын «Заповедные песни» икымше книгаже верысе книга издательствыште 1989 ийыште савыкталтын. Тылеч вара икмыняр книгам серен да савыктен.

Л. Васильев РМЭ-н (2000), Россий писатель ушем правленийын (2007), РМЭ Тӱвыра министерствын (2007) чап грамотышт дене палемдалтын. 1997 ий гыч Россий писатель ушемын еҥже.

Тӱҥ произведенийже-влак[тӧрлаташ | кодым тӧрлаташ]

  • Заповедные песни : повесть. Йошкар-Ола, 1989. 96 с.
  • Охота пуще неволи : повесть и рассказы. Йошкар-Ола, 1994. 176 с.
  • Приволжская история, или Первая любовь : рассказ // Дружба. На свет нетленный. Йошкар-Ола, 2000. С. 178—198 ; Ончыко. 2002. № 12. С.136—151.
  • Приволжские истории : повести и рассказы. Йошкар-Ола, 2003. 264 с.
  • «Рига» : рассказ // Русское слово Марий Эл. Йошкар-Ола, 2004. С. 242—247.
  • Песни Марии : рассказ // Ончыко. 2007. № 7. С. 143—151.

Марлаш кусарыме произведенийже[тӧрлаташ | кодым тӧрлаташ]

  • Шымше маска : повесть / пер. Г. Алексеева // Ончыко. 1999. № 9. С. 89—151.

Илышыже да творчествыже нерген литератур[тӧрлаташ | кодым тӧрлаташ]

  • Брагилевская Е. Песнь о жизни и любви // Мар. правда. 1989. 13 окт.
  • Бирючева О. Объяснение в любви // Мар. правда. 1995. 5 авг.
  • Липатов А. Экология души // Йошкар-Ола. 1995. 14 сент.
  • Банников Н. В душе — целый мир // Мар. правда. 1998. 17 февр.
  • Л.М. Васильев // Ончыко. 2003. № 6. С. 149—150.
  • Писатели Республики Марий Эл : автобиобиблиогр. сборник. Йошкар-Ола, 2004. С. 17.
  • Писателю Леониду Васильеву — 60 лет // Ончыко. 2007. № 7. С 143—143.
  • Глушкова З. Марий чодыран, сылнымутын таҥже // Марий Эл. 2007. 18 авг.
  • МБЭ. Йошкар-Ола, 2007. С. 66.

Чап[тӧрлаташ | кодым тӧрлаташ]

Литератур[тӧрлаташ | кодым тӧрлаташ]