3 шорыкйол
Перейти к навигации
Перейти к поиску
| ← Шорыкйол → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
| 2019 ий | ||||||
3 шорыкйол (3 январь) — григориан кечышот почеш идалыкын 3-шо кечыже. Идалык пытыме марте 362 (кужемдыме ийлаште — 363) кече кодеш.
Вуйлымаш
Пайрем да памятный дате-влак[тӧрлаташ | вики-текстым тӧрлаташ]
Лӱмгече[тӧрлаташ | вики-текстым тӧрлаташ]
- Пӧтр
- Прокопей
- Феофан
- Юлиания
Событий-влак[тӧрлаташ | вики-текстым тӧрлаташ]
Тугак ончо: Категорий:Шорыкйол тылзын 3 кечысе событий-влак
- 1431 — Бургундий герцог Жанна Д’арк лӱман француз талешке-ӱдырым 10 000 франк оксалан англичан-влаклан ужален.
- 1888 — Вашингтон олаште М.Стоун коктель йӱымӧ олымпырчылан патентым налын. Тунам тыгай олымпырчым кагаз гыч ыштеныт.
- 1905 — Путиловский заводын пашаеҥже-влак забастовкым тӱҥалыныт.
- 1924 — Тутанхамон фараонын пирамидыжым муымеке британ экспедиций тӱҥ поянлыкшым – фараонын саркофагшым муыныт. Февраль тылзыште саркофагым почыныт - кӧргыштӧ мумийын шӧртньӧ колоткажым муыныт.
- 1934 — Совет Ушемыште икымше гана самолётым радиолокаций йӧн дене каваште эскерен шуктеныт.
Шочыныт[тӧрлаташ | вики-текстым тӧрлаташ]
Тугак ончо: Категорий:Шорыкйол тылзын 3 кечынже шочшо-влак
Марий калык дене кылдалтше-влак[тӧрлаташ | вики-текстым тӧрлаташ]
- 1923 — Сапаев, Василий Федорович, писатель да туныктышо, педагогика наука кандидат, РСФСР школын заслуженный туныктышыжо (1990 колен).
- 1930 — Юрий Чавайн, марий серызе, почеламутчо, музыкант.
- 1938 — Смоленцев, Виктор Васильевич, генерал-майор, Шернур кундемын шочшыжо. Тудо Провой кундем кӧргӧ паша пӧлкан оперуполномоченныйлан ышташ тӱҥалын да вуйлатыше марте шуын. А вара республикысе МВД пашаеҥ, вуйлатышын алмаштышыже, министр лийын. Виктор Васильевич «Йошкар Шӱдыр», «За услуги перед Отечеством» орден-влак дене, тыгак кугыжаныш чаптанык дене палемдалтын.
- 1948 — Кузьминых, Евгений Васильевич, Марий Элын сулло эмлызыже. Оршанка районышто шочын. 1977-ше ийыште тудо республикысе сар ветеран-влакым эмлыме госпитальысе хирургий пӧлкан вуйлатышыжлан шогалын. Хирургийыште у технологий-влакым шыҥдарымаште тудын надырже моткоч кугу. Евгений Васильевич Пирогов лӱмеш хирург-влак ассоциацийын уста еҥже.
- 1953 — Михопаркин, Георгий Афанасьевич, Россий Федерацийын сулло юристше. Чуваш республикыште шочын-кушкын, но Марий Элыштат шке пашаж дене чапым налше прокуратур вуйлатыше. 1987-ше ийыште тудо Чуваш республикысе прокурорын вуйлатышыжлан тыршаш тӱҥалын, а вара Марий Элын прокуроржо лийын.
- 1955 — Григорьев, Валерий Помбеевич, тӱвыра пашаеҥ да актёр, Марий Элын сулло артистше. Провой вел мландын эргыже. Шке жапыштыже Майоров-Шкетан лӱмеш кугыжаныш драмтеатрын да Марий самырык театрын сценылаштыже калыкым шке мастарлыкше дене куандарен. Кызыт талантан актер да сценарист Марий тӱвыра рӱдер вуйлатышылан ышта, шкенжым режиссёр могырым терга.
Моло-влак[тӧрлаташ | вики-текстым тӧрлаташ]
- 106 м.к.д.о. — Марк Туллий Цицерон, рим оратор, философ и политик пашаеҥ (43-шо м.к.д.о. колен).
- 1744 — Ипполит Фёдорович Богданович, руш поэт (1803 ийыште колен).
- 1892 — Джон Рональд Руэл Толкин — англичан серызе, лингвист, филолог, тӱнямбал пагалымашым сулен налше "Властелин колец" трилогийын авторжо. (1973 колен).
- 1906 — Алексей Григорьевич Стаханов, Стаханов толкынлан тӱҥалтышым пуышо пашаеҥ (1977 колен).
- 1929 — Серджио Леоне, итальян кинорежиссёр, спагетти-вестерн жанрым шонен лукшо; «Однажды в Америке» --- эн сайын палыме фильмже (1989 колен) .
- 1936 — Николай Михайлович Рубцов, руш поэт (1971 колен).
- 1969 — Михаэль Шумахер, Формула-1 автотаҥасымашын эн тале пилотшо, шым гана тӱнямбал чемпион лӱмым сулен.
Коленыт[тӧрлаташ | вики-текстым тӧрлаташ]
Тугак ончо: Категорий:Шорыкйол тылзын 3 кечынже колышо-влак
Калык пале[тӧрлаташ | вики-текстым тӧрлаташ]
- Тиде кече могай лиеш, Идым тылзе тыгаяк лийшаш.
- Тиде кечылан лум мландым ок левед гын - тений шурно лектышан ок лий.
| 3 шорыкйол Викиклатыште? |