3 шыжа

Википедий — эрыкан энциклопедий гыч материал
(3 Шыжа гыч колтымо)
шыжа
Шч Кш Вр Из Кг Шм Рш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
             
2024 ий

3 шыжа (3 октябрь) — григориан кечышот почеш идалыкын 276-шо (кужемдыме ийлаште — 277-ше) кечыже. Идалык пытыме марте 89 кече кодеш.

Пайрем да памятный дате-влак[тӧрлаташ | кодым тӧрлаташ]

  • Россий Россий ОМОН-ын кечыже.
  • Есенинын поэзий кечыже. Сергей Есенинын шочмо кечыже лӱмеш эртаралтеш.

Лӱмгече[тӧрлаташ | кодым тӧрлаташ]

Шыжа тылзын кумшо кечынже шке лӱмгечыштым Фёдор, Александр, Василий, Иван, Илларион, Михаил да Олег-влак палемдат.

Событий-влак[тӧрлаташ | кодым тӧрлаташ]

Тугак ончо: Категорий:Шыжа тылзын 3 кечысе событий-влак

  • 1782 — Екатерина Вторая кугыжа равноапостольный князь Владимир лумеш орденым ышташ палемден.
  • 1903 — SOS сигналым шонен луктыныт. Но ожно тудо кугу тенызлаште энгекыш логалше-влакын гына полышым йодмо сигналлан шотлалтын. Кызыт тудо кумдан кучылталтеш.
  • 1990 — ФРГ ден ГДР ушненыт. Тиде кечын немыч калык Германийын икоян улмо кечыжым палемда.

Шочыныт[тӧрлаташ | кодым тӧрлаташ]

Тугак ончо: Категорий:Шыжа тылзын 3 кечынже шочшо-влак

  • 1936Лев Ятманов, марий серызе, кусарыше, журналист, Серызе да публицист-влакын тӱнямбал ассоциацийыштын йыжыҥъеҥже (Лондон) (2006).
  • 1937 — Леонид Васильевич Полушин, озанлык вуйлатыше, Россий Федераций ял озанлыкын сулло пашаеҥже. Шкеже тудо У Торъял кундем гыч. Тиде уста пашаеҥ 34 ий Советский кундемысе «За мир» колхоз вуйлатышылан пашам ыштен. Россий Федераций кугыжаныш погынын депутатше лийын. Суапле пашажлан «Знак Почёта» орден дене палемдалтын.
  • 1937 — Лев Иванович Ятманов, журналист да литератор палемда. Паша корныжо марий телевиденийыште тӱҥалын, вара «Молодой коммунист» газетыште, «Пачемыш» журнал редакцийыште шуйнен. Лев Иванович утларак ялысе илыш, тӱвыра паша нерген возен. «Сентябрьские звёзды», «Новый дом», «Четвёртый пассажир» книга-влакын авторжо. Писатель да публицист-влак ассоциацийын чолга еҥже.
  • 1955 — Олег Терентьевич Токтаулов, тазалык аралтыш пашаеҥ. Шочынжо тудо Шернур кундем Товарнур ялыште. 1979-ше ий гыч республикысе тӱҥ эмлыме верыште тыршен, хирургий пӧлкан вуйлатышыжат лийын. Тыгак Олег Терентьевич калыкыште уста сӱретче да кидмастар семын шарнымашеш кодын.
  • 1959Ираида Александровна Степанова, тӱвыра да мер пашаеҥ, почеламутчо, тӱрлызӧ, амалкалче. Кужэҥер кундем Визым ялыште шочын. Йошкар-Оласе йочасадыште икмыняр ий пашам ыштыме деч вара, «Радуга» йоча клубышто тыршен. 10 ий ончыч оласе «Марий ушемын» чолга еҥже лийын. Ираида Алексадровнан ик эн йӧратыме пашаже – тӱрлымаш. «Марий тӱр» календарьын авторжо. Лач тудын ойжо почеш «Марий вургем пайремым» эртараш тӱҥалме. Сылнымут аланыштат Ираида Шымакшанын лӱмжӧ палыдыме огыл: «Мутшер» да шукерте огыл лукмо «Сай ма!» муторлаҥге-влакын авторжо. Шукерте огыл тудын чумырымо «Кӱсото» книгаже калык коклаште кугу пагалымашым сулен.

Коленыт[тӧрлаташ | кодым тӧрлаташ]

Тугак ончо: Категорий:Шыжа тылзын 1 кечынже колышо-влак

Калык пале[тӧрлаташ | кодым тӧрлаташ]

Астафийын кечыже. Тиде кечын игече леве шога гын, лум варарак возеш – маныныт. Ожно тиде кечым мардежвакшым кучышо-влак чот вученыт, мельник-влак кугу пайремым ыштеныт.