27 Идым
Википедий — эрыкан энциклопедий гыч материал
| ← Идым → | ||||||
| Шч | Кш | Вр | Из | Кг | Шм | Рш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
| 2015 ий | ||||||
27 Идым — григориан кечышот почеш идалыкын 270-ше (кужемдыме ийлаште 271) кечыже. Идалык пытыме марте 95 кече кодеш.
Пайрем-влак[тӧрлаташ | править вики-текст]
Туризмын тӱнямбалсе кечыже (1979 ий гыч пайремлалтеш).
Россий — Воспитатель да йоча садыште тыршыше чыла пашаеҥ-влакын пайремышт.
Черке пайрем[тӧрлаташ | править вики-текст]
- Иисус Христосын ыресыжым муымо кече палемдалтеш, рушлаже – Воздвижение креста Господня. Тиде кече шотышто ожно калык тыге шонен: «Кö ты кечын пӱтым куча, тудын 7 сулыкшо йомеш». Кугу пашам тӱҥалаш тоштын огытыл.
Лӱмгече[тӧрлаташ | править вики-текст]
- Идым тылзын коло шымше кечынже шке лӱмгечыштым Иван-влак палемдат.
Мо лийын[тӧрлаташ | править вики-текст]
Тыгак ончо: Категорий:27 Идым Мо лийын
- 1783 — Шем теҥызыште «Екатеринан чапше» лӱман икымше сарзе парус пушым вӱдыш колтымо.
- 1938 — кумдан палыме шымлызе, Шанче ракет институтын пашаеҥже Сергей Павлович Королёвым троцкист манын титаклен, 10 ийлан тюрьмаш шынденыт. Но тюрьмаштат тудлан шымлымаш пашам умбакыже шуяш йöным пуэныт.
- 1990 — Совет Ушем ИНТЕРПОЛ калык-влак кокласе организацийыш пурен.
Кӧ шочын[тӧрлаташ | править вики-текст]
Тыгак ончо: Категорий:27 Идым Кӧ шочын
- 1925 — Сергей Кузьмич Лоскутов, Кугу Ачаэл сарын геройжо. Кужэҥер кундемыште шочын. Фронтыш 1944-ше ийыште каен: Белоруссийысе, Латвийысе кредалмаште лийын. Лӱддымылыкшым да патырлыкым ончыктымыжлан «За отвагу» медаль дене палемдалтын, Чап орден кавалер лӱмым сулен. Сар деч вара армий радамыштак тыршаш тӱҥалын, гвардий подполковник марте шуын. Умбакыже паша корныжо Калинин олашке конден: тыште тудо заводыштат, элкӧргӧ паша министерствыштат пашам ыштен. Тверь олан почётан гражданинже.
- 1948 — Валерий Иванович Вершинин, шанчыеҥ. Шочынжо тудо Татарстан республик, Менделеевск кундемысе Элнет ялыште. Шымлымаш сомыл тудым Марий шанче да шымлыше институтышко конден, паша корныжо ты тӧнеж дене кылдалтын.
- 1952 — Николай Иванович Куклин, администраций да озанлык пашаеҥ. Ончычсо паша корныжо «Маригражданстрой» ушем дене кылдалтын. А 1984-ше ийыште министр-влак погынышто илем-коммунал озанлык да чоҥымаш пӧлкан вуйлатышыжлан шогалын. 2001-ше ийыште Марий Эл виктер вуйлатышын икымше алмаштышыже лийын. Козьмодемьянск олан почётан гражданинже.
- 1962 — Николай Юрьевич Павлов, спортсмен, Россий Федерацийын сулло тренерже. Йошкар-Олаште шочын-кушкын. Лач тудын ойжо почеш мемнан кундемыштына Рукопашный бой федерацийым почыныт, да Николай Юрьевич шкеак вуйлаташ шогалын. Россий чемпионат-влакын той призёржо. Российысе спорт мастер.
- 1966 — Антонина Аркадьевна Андреева, тӱвыра пашаеҥ. Звенигово олаште шочын. Тиде уста ӱдырамаш Чакмарий тӱвыра пӧрт пелен «Чак» лӱман йоча ансамбльым чумырен улмаш. Мер пашаштат Антонина Аркадьевна кугу пагалымашым сулен: 7-ше марий погынын делегатше лийын.
Кӧ колен[тӧрлаташ | править вики-текст]
Тыгак ончо: Категорий:27 Идым Кӧ колен
Калык пале[тӧрлаташ | править вики-текст]
- Воздвиженье. Ты кечын йӱштӧ толеш, шурным погым пагыт пыта, теле деч ончыч илыш пуйто малаш возеш. «Воздвиженийлан ужга тувырым вачыште алмашта», - ойленыт. Кишке-влак тӱшка дене погынат, мландыште шылыт, малаш возыт. Кайык-влак ты кечылан кечывалвелыш тарванат.
- Ты кечын ожнысек яллаште ковыштам шинчалташ тӱҥалыныт.
| 27 Идым Викиклатыште? |